中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

許文軒（Edmond）入行20年，單在《TVB娛樂新聞台》採訪主持的工作都長達17年，歷年不少歌手都接受過他的專訪。熱愛音樂的Edmond曾是新秀冠軍，他坦言有考慮過參加《中年好聲音》，沒想到反而半年來密密做採訪，意外成為參賽者共同成長的戰友。跟麥美恩由戰友變成「緋聞女友」，Edmond笑稱已經再沒有否認的空間，更揚言麥美恩不嫁佢就不娶？

{{hket:ul-video id="8811"}}{{/hket:ul-video}}

Edmond主持每周特備節目《大笪地唱不停》，跟《中年好聲音》的參賽者到訪不同小區分享音樂，一時暴曬汗流浹背一時落雨濕身，但他都樂在其中，因為所有跟流行音樂有關的工作，他都百分百投入。過往17年在《TVB娛樂新聞台》工作，讓他有機會訪問到不少中、港、台及世界各地的歌手，令他成為音樂專訪的專業主持Icon。現時除了《大笪地》外，他亦是《勁歌金榜》的主持人，「好多年前客串過電視劇《老表，你好Hea！》，當時角色係演《慢歌金曲》主持，出街之後我喺IG話如果有一日可以做到《勁歌》主持就好喇，點知今年真係發生咗，成件事好夢幻！」他坦言希望可以透過不同的專訪，帶出更多香港樂壇的資訊或人的故事。

{{hket:inline-image name="2-7.JPG"}}{{/hket:inline-image}}

{{hket:inline-image name="2-2.JPG"}}{{/hket:inline-image}}

{{hket:inline-image name="2-18.JPG"}}{{/hket:inline-image}}

{{hket:inline-image name="YUOOP.jpg"}}{{/hket:inline-image}}

麥美恩戴戒指捧花兼父母同場慶生 玻璃反光見緋聞男友許文軒疑求婚？【下一頁】

他在20年前參加《全球華人新秀歌唱比賽》獲得冠軍及「最佳台風獎」而入行，「當時喺澳洲悉尼讀書，華人圈子好細，大家唔係玩新秀，就係選華裔小姐，咁我咪試吓玩，點知贏咗！比賽之後接觸好多華人電視台同電台，不過我都應承屋企人，完成咗大學學業先返香港發展。」後來遇上TVB娛樂新聞台開台，Edmond以素人身分面試入行，擔任外景主持採訪工作，一做就直到而家，「我好享受做音樂或者歌手專訪，所以唔介意落手落腳做，多數都係自己約歌手，自己安排場地同自己剪接，成件事係由我主導。」

本身熱愛音樂，Edmond見到去年《中年好聲音》開放報名時曾考慮過參加，「上年雖然藝員唔畀參賽，但最終突如其來有好多關於《中年好聲音》嘅工作，主持佢哋好多記者會，認識成大班參賽者之後，由於我都年屆中年，真係有一種融為一體嘅感覺。直至決賽當日，大會搵我幫手做台下主持崗位，真係好開心。」他笑言雖然今次《中年好聲音2》開放藝人參與，但他思前想後仍然決定先專心在主持工作上。「而家出街有人認得出我係音樂節目主持，雖然都未必叫得出我個名，但我都好開心。我唔介意比人行得慢，累積到咁多年訪問經驗同技巧，反而做起上嚟行得更加順暢，起碼大家見到我對我有信心，唔會覺得我係Hea嘅人，希望將來多啲挑戰司儀工作，同埋再有一個屬於自己品牌嘅音樂節目。」

{{hket:inline-image name="2-16.JPG"}}{{/hket:inline-image}}

{{hket:inline-image name="2-12.JPG"}}{{/hket:inline-image}}

{{hket:inline-image name="2-14.JPG"}}{{/hket:inline-image}}

請1日假去旅行｜麥美恩孖許文軒戀愛巷合體放閃 驚喜收戒指惹哄動【下一頁】

Edmond跟麥美恩同樣屬娛樂新聞台的記者出身，兩人早於5、6年前就被拍到捧花行街而傳出緋聞，雖然兩人一直否認，不過無論「情侶檔」主持或者出席活動都無任歡迎，就算上遊戲節目緋聞都被擺上枱面。「我同麥美恩之間嘅關係係冇人相信我哋由始至終冇拍過拖！大家關係太老友喇，大家總係好想我哋係一對咁，如果我否認，大家都會覺得我講大話扮傻。」他表示曾經有段時間介懷，因為緋聞不是事實，總擔心會影響女方，「越講越多真係怕麥美恩嫁唔出，我同佢太老友，好清楚佢所有嘢，淨係唔知佢有冇拍拖，我好想知。（你公開戀情可以甩難？）我有諗過如果我結婚先，可能被人鬧我拋棄麥美恩，所以我研究過喇，麥美恩你盡快結咗婚先，咁我先可以慢慢物色對象。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

場地：City Dancer grill & live music bar
攝影：何家賢、陳健珊
撰文：楊安莉