鄭浩南回港出海網民憶《愛神一號》 感慨香港變化大：只有我冇變過

鄭浩南曾於80至90年代活躍香港影壇，早年去到內地發展「古惑仔」形象大受歡迎，而佢都有開抖音帳戶同內地網民互動，日前佢分享自己喺香港嘅日常生活，竟然惹嚟批評，事後更加刪片。

同場加映：黑妹韋綺姍薪火相傳率學生演出 吉吉啟豪深明癌症之苦義唱助人

{{hket:ul-video id="9259"}}{{/hket:ul-video}}

鄭浩南透過抖音拍攝短片分享近況，日前他上載一條影片，見佢穿短褲搭遊艇出海玩水，雖然已經58歲，但身形弗到癲，佢一邊行，一邊講：「每次返嚟我都咁開心，因為呢個係我出世嘅地方香港。」之後一個short佢就從水中爬上船，一邊感慨咁講：「時間過得好快，眨下眼幾十年，喺80、90年代出到海，呢個範圍、成個香港……邊度有咁多朋友、咁多船。香港，變得好緊要，好同壞，大家自己衡量，但只有一樣嘢，我冇變過！」

{{hket:inline-image name="10.JPG"}}{{/hket:inline-image}}

鄭浩南疫情期間無法經常往返中港兩地，所以長期留港，到佢可以返到內地時，老婆仔女都已經唔見晒，人去樓空，未知呢番說話係咪都係對自身經歷嘅感慨，不過就已經觸動到內地網民嘅神經，留言批評：「說話注意分寸，別給自己找麻煩。」

當然都有唔少網民力撐佢，指佢只係中性指出事實，唔需要過份解讀，都好支持佢繼續拍片分享佢嘅日常，仲有人話呢條片令佢哋諗起當年鄭浩南同葉蒨文嘅經典電影《愛神一號》，青春回憶返晒嚟。可惜鄭浩南事後已經刪片，未知之後會唔會因為咁減少分享個人感受。

圖片來源：抖音