愛回家丨大小姐確認怪雞Fanny做秘書 Terry公開示愛：中秋要「盈悅」

《愛回家之開心速遞》今日舉行中秋節宣傳活動，不少劇中CP都有出席「放閃」，其中談到佳節活動，袁文傑即時叫李偉健（Terry）開口，李偉健說：「中秋節梗係要迎月啦！」由於張盈悅跟「迎月」諧音相近，即時被起哄出場，眾人笑指Terry公開示愛，令張盈悅尷尬萬分，場面十分搞笑。

同場加映：尹光愛玩乜都試誓要唱到90歲 「廟街歌王」籲政府搞旺夜市自救

{{hket:ul-video id="9217"}}{{/hket:ul-video}}

愛回家丨無知May離巢邊個做大小姐秘書？ 佢出現令Fanny坐正或出現變數【下一頁】

{{hket:inline-image name="IMG_1254.JPG"}}{{/hket:inline-image}}

劇中Terry（李偉健飾）同Fanny（張盈悅飾）的感情將於今周有進一步的發展，由於大小姐（林淑敏飾）感到弟弟戀上自己的「怪雞」女秘書，所以出力阻止，先要為Fanny介紹好姻緣，可惜不得要領，最終想辦法拆散鴛鴦，意圖將Fanny調去西伯利亞。其中兩集的預告如下：

第二千零八十八集「力王の覺醒」(09/28)

力蓮發現力王、Fanny經常結伴光顧貓cafe，擔心二人會發展戀情，遂與家聰、瑞輝商量，打算及早防範，設法阻止力王、Fanny見面。力蓮為了此事疲於奔命，及後與力王閒聊，得知力王原來十分贊同「君子不奪人所好」的道理，力蓮遂打算要盡快為Fanny撮合一段姻緣……有人對Fanny展開追求，力蓮推波助瀾要促成好事，並故意讓力王知道Fanny已是「名花有主」……

第二千零九十集「水的無間道」(09/30)

力蓮將Fanny調往西伯利亞，欲阻隔她與力王，怎料於事無補。Fanny打算跟力王多些相處，再決定二人的關係；力蓮急不及待又想辦法拆散鴛鴦，卻再次失敗。Fanny因事要找地方暫住，力蓮阻止力王借出他名下的豪宅單位給Fanny，怕兩人單獨相處會「出事」。力蓮逼若水暫時收留Fanny，阻止她與力王接觸，還要若水與Fanny混熟，落力對她「洗腦」，左右其思想……

{{hket:inline-image name="tf1_600.jpg"}}{{/hket:inline-image}}

李偉健及張盈悅接受《晴報》訪問，張盈悅說：「對Fanny嚟講，暫時係未同Terry喺埋一齊嘅，遲吓會有少少進展，會有大事件推動我哋！」李偉健坦言劇中家姐大小姐一定要反對這段戀情，不過他自從「波波」之後，再次有感情線，特別是跟Fanny「傻埋一堆」，所以非常開心。張盈悅說：「我覺得我好醒，唔明點解會被人嫌棄智商，我哋一個係傻一個係蠢，至於邊個打邊個？我應該係傻，佢應該係蠢，唔撞Type！不過劇情未講到我哋拍拖住，似有還無咁囉，現代人拍拖係咁呀啦！」

{{hket:inline-image name="IMG_1266.jpg"}}{{/hket:inline-image}}

{{hket:inline-image name="IMG_1268.JPG"}}{{/hket:inline-image}}

{{hket:inline-image name="IMG_1267.JPG"}}{{/hket:inline-image}}

李偉健表示張盈悅跟他的腦袋結構差不多，所以經常估到大家想甚麼，問到感情線會否惹起太太不滿？他笑言：「好在係Fanny，所以唔會呷醋囉！有時笑佢啲笑話真係返到屋企仲笑緊，老婆問起上嚟，冇理由話掛住Fanny...啲笑話呀嘛！」張盈悅表示Fanny的愛意較為內歛，不會太快表露出來，至於是否坐正大小姐秘書位置？張盈悅表示：「唔肯定係咪坐正，因為由頭到尾秘書個位得一個，張凳係我同May（趙希洛飾）兩份坐，從未試過單丁坐，加上我角色連中文名都未有...」李偉健笑言：「不如你角色中文名叫李偉健，橫掂你好朋友Gigi都叫『區瑞葦』（音：歐瑞偉）。」

愛回家丨Terry暗戀Fanny今晚有新進展？ 新CP未拍拖先吸Like 網友勁受落【下一頁】

{{hket:inline-image name="IMG_1265.JPG"}}{{/hket:inline-image}}

{{hket:inline-image name="IMG_1263.JPG"}}{{/hket:inline-image}}

{{hket:inline-image name="IMG_1264.jpg"}}{{/hket:inline-image}}

{{hket:inline-image name="350138335_848482633369255_4140434861129385335_n_600.jpg"}}{{/hket:inline-image}}

林淑敏和許家傑大讚Terry和Fanny這對孖寶搞笑，淑敏說：「我呢個家姐梗係覺得Fanny唔合格啦，我會不停拆散鴛鴦。不過真人就ok，Fanny帶畀我哋好多歡樂。我覺得佢好有天生嘅喜感，反而佢帶咗好多Idea畀我，（而家確定佢做你秘書？）唔知點解我成日都換秘書，不過我哋私下感情都好好，可能嫌棄接龍人工唔夠高，希望佢穩定啦！」家傑表示跟李偉健是同期「香港先生」，對他演繹傻笨角色起初都替他擔心，但沒想到越演越有自己風格，「佢同Fanny都有一顆純真的心，傻埋一堆！」林淑敏指Fanny是外國返港，起初懶音多口齒都不太清晰，不過進步得非常之快，令她大為欣賞。

提到早前《愛回家》拉大隊到廣州跟粉絲見面，萬人空巷，粉絲們未見「龍家」和「蓮輝CP」都大表可惜，家傑說：「《愛回家》團隊實在太多人喇，分批囉，佢哋先頭部隊，原來反應咁好，如果之後有唔同組合同大家見面，一定好開心！最重要係《愛回家》成功衝出香港，見到咁多人鍾意都與有榮焉。」林淑敏表示自己都非常期待，除了內地之外，馬來西亞或者其他地區都搞見面會，跟大家近距離接觸。
 

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

撰文：娛樂組