愛回家丨Terry水撥手兼甩Beat唱《倒轉地球》獲陶大宇本尊大讚：好搞笑

《愛回家之開心速遞》繼日前大小姐（林淑敏飾）重演KOL雪姨的開箱直播片而大獲好評之後，今次輪到Terry（李偉健飾）扮陶大宇唱《倒轉地球》，由於Terry跳鋼管舞拍廣告受傷，《揸流攤》的戲份暫時被抽起，但他有感自己存在感太低，於是不斷在熊尚善（滕麗名飾）面前刷存在感，最終自薦上舞台表演《倒轉地球》。

同場加映：「七線人棄王」被嘲奀星拍片自救 「好想搵機會演戲 自己過咗癮先」

{{hket:ul-video id="5243"}}{{/hket:ul-video}}

《愛回家》新人物︳陶大宇挾人氣回巢TVB訪問被突擊 答應林淑敏客串：我想畀你喝【下一頁】

{{hket:inline-image name="terry8.jpg"}}{{/hket:inline-image}}

{{hket:inline-image name="terry11.jpg"}}{{/hket:inline-image}}

Terry獻唱時發呆甩Beat，全程都是在台下的舅父KC（歐瑞偉飾）教路，水撥手和如來神掌當然不能少，不過KC不小心撞到手叫「噓」，Terry都一樣照跟，怎料台下反應非常熱烈，所有觀眾都興奮跟他揮手，令Terry一夜爆紅。今次Terry扮陶大宇手勢可謂非常到位，不過就加上Terry的傻氣，非常搞笑。原來陶大宇本尊都有收睇！

陶大宇接受《晴報》電話訪問，他表示：「我有睇到《愛回家》，好搞笑，亦都有好多朋友通知我。頭先睇完《愛回家》，我發覺我嘅家人比我更開心。（覺得Terry演成點？）非常搞笑，佢演戲都好有經驗吖，辛苦晒！」問到會否真的如早前所言到《愛回家》客串玩吓？大宇說：「暫時冇呢個方向，加上TVB都冇搵過我，因為上次我喺TVB做《東張西望》嘅訪問，咁啱大小姐（林淑敏飾）經過，所以入嚟同我傾吓偈，又講笑叫我客串玩下，所以有人以為我真係會拍《愛回家》啫！」

陶大宇唱《倒轉地球》再度爆紅 關注組人數激增：我笑到喊【下一頁】

對於獲得本尊的讚許，李偉健表示非常感激，其實今次除了要扮陶大宇之外，他在劇中都有表演鋼管舞，見他發揮得好好，問到是否平時都有玩開？李偉健說：「我本身唔識，係拍攝嗰日有鋼管舞老師在場教導，即學即拍！試咗幾次就要正式拍，其實都試唔到好多次，因為我頭暈同埋倒轉轉圈會嘔。」他表示自己年輕時踢波同打籃球，導致有很多舊患，「我隻左手以前做過手術，左腳又做過3次十字韌帶手術，所以唔係好跑到，好多動作都要就住就住，好彩舞蹈老師專業可以避開晒我啲傷患，教我一啲可以做到嘅動作！」

{{hket:inline-image name="terry1.jpg"}}{{/hket:inline-image}}

{{hket:inline-image name="terry2.jpg"}}{{/hket:inline-image}}

{{hket:inline-image name="terry3.jpg"}}{{/hket:inline-image}}

{{hket:inline-image name="tery4.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}