由蔡思貝、何廣沛、吳偉豪、游嘉欣、陳嘉慧及孔德賢合演劇集《你好，我的大夫》，故事圍繞身為中醫師的主角們要面對的問題。昨晚講述童星周珈慜飾演的芯芯，因為面癱令右眼腫起及歪嘴，先後接受何廣沛針灸及蔡思貝拔罐治療，相當真實，周珈慜的表現勁搶戲。
同場加映：
馬浚偉跨越喪母後遺情緒病 面對爸爸去年胃癌病逝：感恩無憾
周珈慜演出前做足功課，她說：「我都有上網睇吓面癱病人會有乜嘢特徵同表情。我記得試鏡時，監製（方駿釗）叫我扮面癱，我就自己歪嘴同扮流口水；其實之前我係唔知點樣先流到口水，媽咪就教我放粒話梅入口。」也指拍攝時有努力「戚嘴」以達到效果，「因為個嘴不能化得太歪，所以拍嗰時都要用力戚住個嘴！」
你好，我的大夫│蔡思貝首次連環施50針好緊張 吳偉豪學技巧嚇到瘋狂標汗【下一頁】
為了真實呈現「面癱」個案，交由專業特技化妝師出手，周珈慜透露前後做了多次定妝，「每次化妝都要坐定定2、3個鐘，特技化妝師Ryan哥哥會先喺我塊面黐膠水，如果我郁嚟郁去，就會令到啲膠水一撻撻。（拍攝時會好辛苦？）拍嗰時正值炎夏，一走出冷氣地方個妝就會好快融，幾乎每拍完一個鏡頭都要補妝。」
《你好，我的大夫》︳蔡思貝何廣沛首度合作即咀嘴 游嘉欣拉低主要演員平均年齡【下一頁】
提到針炙、拔罐場面，周珈慜除了眉頭特寫部分用了替身之外，其他均是劇組後期製作時補上去的，珈慜並不用捱針。至於走火罐的鏡頭，周珈慜笑言全靠想像，「個罐其實冇乜熱力，都係靠我自己想像畀針篤嘅情境，然後演好驚嘅樣。」
（↓點擊放大睇圖片↓）
童星周珈慜演出經驗頗豐富，曾入讀家燕媽媽藝術中心，跟家燕姐去電台開咪。劇集方面拍過《愛回家之開心速遞》、《極度俏郎君》、《曙光》、《青春不要臉》、《今宵大廈2》及《非常檢控官》（未播）等，當中《青春不要臉》飾演戴祖儀的角色的童年版，獻出入行首滴熒幕眼淚。今年7月代表校參加《第一屆聯校歌唱比賽》，憑實力獲得冠軍殊榮。近日《你好，我的大夫》播出，她不忘在網上叫人捧場，「點解我塊面會咁？邊個醫師先可以醫好我呢？大家想知道可以留意呢幾晚八點半嘅《你好，我的大夫》。」
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】