Anson Lo被封「P圖教主」經理人花姐有責任 證Edan姜濤感情好唔使勸交

MIRROR成員「教主」盧瀚霆（Anson Lo）今日到觀塘出席飲品活動，逾500位「神徒」（粉絲）到場支持，場面墟冚。Anson Lo不但獲得神徒愛戴，更吸引一隻蒼蠅向他「施襲」，事後Anson Lo形容自己性格好sweet，加上手上的蜂蜜飲品，令蒼蠅都抗拒不了。

同場加映：TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

{{hket:inline-image name="DSC_7593.JPG"}}{{/hket:inline-image}}

{{hket:inline-image name="DSC_7578.JPG"}}{{/hket:inline-image}}

穿上黃色冷衫的Anson Lo，透露新劇《社內相親》已煞科，主演的電影《釀魂》反應不俗，令他十分開心，而下月初將推出一首新歌，今晚更要為新歌拍攝MV，預計要連續拍攝最少30小時。之後Anson Lo與神徒大玩遊戲，拍照期間他受到烏蠅糾纏，同時又打了3次噴嚏，他一臉尷尬儍笑。笑問他是否太sweet所以吸引蒼蠅？Anson Lo笑笑口說︰「入行以嚟第一次遇到呢兩件尷尬嘅事，可能本身性格太Sweet，同埋咁啱攞住蜂蜜飲品，所以受到烏蠅注意。」他又指自己有鼻敏感，若身處翳焗環境本會打噴嚏，他笑言︰「我打乞嗤無聲㗎，忍到唔噴出嚟，仲可以谷番入去，真係好神乎其技。」

{{hket:inline-image name="DSC_7532.JPG"}}{{/hket:inline-image}}

近日Anson Lo社交網的相片被指P圖過重，以至背景牆身直綫變曲綫，因而被網民封為「P圖教主」，Anson Lo表示自己不會P圖，相片一律交由公司團隊處理，而網民所指的相片則是經理人花姐P圖傳給他，他說︰「我以為係官方圖，所以send咗出去，但改唔番，令大家覺得奇怪，我會同花姐傾吓。」對於近日姜濤和Edan的粉絲掀罵戰，Anson Lo表示有留意新聞，但就不會勸交，「唔係我呢個位置去做，佢兩個識咗好耐，私下兄弟情好熟，大家唔使擔心佢哋嘅友誼會受到傷害，都大個仔。」

{{hket:inline-image name="DSC_7607.JPG"}}{{/hket:inline-image}}

有指MIRROR將赴澳洲拍攝綜藝節目，Anson Lo透露︰「有聽過公司話去澳洲，嚟緊都有好多綜藝安排，好期待12個人一齊拍嘢。（咁多人拍嘢驚唔驚再爆是非？）就算拗交都唔覺得係是非或者新聞，人與人之間就有認同和唔認同，唔值得討論啱定唔啱，交畀當事人去判斷。（出埠拍嘢加深隊員之間了解？）絕對係，關係會更穩固。」

{{hket:inline-image name="374263103_18382596325017558_4614486985690382954_n.jpg"}}{{/hket:inline-image}}

另外，Anson Lo有份演出的電影《釀魂》入圍「第21屆拉文納夢魘電影節」，同時競逐「最佳外語片」、「金環獎」、「影評人獎」，Anson Lo表示很開心，因放了很多心機拍攝，代入角色令他抑鬱近兩個月很辛苦，但他表示對獲獎信心不大，「我係電影初哥，唔會話有信心，最開心係連唔太鍾意我嘅人都有留言讚我演得好。」

{{hket:inline-image name="314220300_668885391483706_7900009586820226739_n.jpg"}}{{/hket:inline-image}}

採訪：倪小珊

攝影：林良明

撰文：娛樂組