根德園幼稚園｜阮浩棕對幼稚園三年後停辦感可惜 尋回舊時照回憶滿滿：想返去母校

位於九龍塘的根德園幼稚園宣布3年後停辦，明年新學年起停收K1學生，學校會於2025/26學年關閉。根德園幼稚園創校60年，畢業生超過3萬人，當中亦有不少藝人是該幼稚園的畢業生，如阮浩棕、麥家瑜及袁彌明等。而《中年好聲音》的周吉佩、車淑梅和岑潔儀的子女都是該校的畢業生，家長們都同樣感慨。

同場加映：萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

阮浩棕在IG po出自己在幼稚園時的學生照，留言：「一朝起身，睇到根德園幼稚園三年後停辦，好可惜。睇番啲班相先發現入面有好多中小學同學。」相中見小時候的阮浩棕臉圓圓，十分可愛。

{{hket:inline-image name="334082259_3571552153132004_9090277955477077109_n.jpg"}}{{/hket:inline-image}}

阮浩棕接受《晴報》訪問，指自己都不捨母校停辦，「始終太細個，唔係好多記憶，剩係記得校園入面有好大空間畀小朋友周圍跑，同埋每個月有一個生日party。同埋根德園幼稚園都係一間名牌幼稚園，睇番相見到好多中、小學同學都係根德園出嚟，見到佢停辦都可惜。」他又指有機會都想返去母校：「記得入面有間樹屋，唔知仲喺唔喺度呢？」

{{hket:inline-image name="344431219_3329743837276249_8576974213901621031_n.jpg"}}{{/hket:inline-image}}

而歌手麥家瑜及她的姊弟亦是根德園幼稚園的舊生，「知道停辦呢個消息覺得好愕然好可惜，因為根德園幼稚園都係校風同口碑好好嘅學校，我同家姐細佬都讀呢間幼稚園。」她又指在幼稚園有好多開心嘅回憶，「尤其是係每日都好期待茶點時間，佢哋係分兩個校舍，兩個校舍都有好多地方畀我哋學習同埋玩，我最鍾意打鞦韆！學校入面有一個地方係有一個池養魚，我哋會排隊餵魚。」

麥家瑜又指現在仲有同幼稚園老師保持聯絡，「老師校長都好好，好有愛心，真係要同根德園幼稚園所有嘅老師校長同學校工作人員講聲多謝，佢哋俾咗一個好快樂嘅學習時間我哋。」

{{hket:inline-image name="366483501_715823103689107_4728383042384063011_n.jpg"}}{{/hket:inline-image}}

周吉佩的5歲細仔Jasper現正讀根德園幼稚園K3，他對消息大感愕然，因學校歷史悠久，家長們難免感可惜，「今呢間學校好好嘅係佢哋好傳統，教出嚟嘅小朋友喺紀律等方面都好好，而且校風好好、口碑好好，大家對於呢間學校出嚟嘅學生都好好，所以我小朋友喺佢哋教育底下紀律上好咗好多。」車淑梅的仔女早已長大成人，不過她兩個孩子都是讀根德園幼稚園畢業，她說：「我曾經好驕傲的告訴校監，我的兩位小朋友考上了『賓夕法尼亞州大學』和『麻省理工』，他們都是來自『根德園幼稚園』的，妳當時對著我笑說好開心！但，為何這所實而不華、充滿愛的幼稚園要宣布結束辦學？很多歷屆家長們包括我真的非常難過和捨不得...還有轉機嗎？」

{{hket:inline-image name="379189605_10168378743630495_5956802058656228556_n.jpg"}}{{/hket:inline-image}}

{{hket:inline-image name="6a227cea-d540-48fd-84a4-bc529ff0b1ee.jpg"}}{{/hket:inline-image}}

岑潔儀亦有在社交網出po，對根德園幼稚園停辦感可惜：「Feel so sad...一間傳統名校都抵受不住出生率下降，令到收生不足，管理層老化等的問題要停辦。時代變遷，沒有辦法。」她又指停辦消息昨日已瘋傳，「細佬b唔會有師弟妹了…」

隱門丨阮浩棕曾離巢再做新人發展順遂 遺憾再聽不到嫲嫲梁舜燕讚賞【下一頁】

撰文：娛樂組

圖片：ig、受訪者提供