靈戲逼人丨阮浩棕箍煲頻失敗暗藏HEHE線？ 網友認定係真愛 吳子冲：我係奸妃

劇集《靈戲逼人》故事圍繞著女鬼雲柳芳（龔嘉欣 飾）尋找昔日愛人，與丁一駿（張振朗 飾）人鬼相遇，兩人慢慢培養出感情，這次是「驚嚇」欠奉，反而有不少淒美的小故事，氣氛也較為沉重。劇中幾位年輕演員發揮出不同的味道，方浩東（阮浩棕 飾）大男人性格，跟女友敏敏（劉穎鏇 飾）鬧分手，他要面子不肯行出和解的一步，好兄弟傑仔（吳子冲 飾）一心想幫手令二人重修舊好，可惜次次都幫倒忙。

同場加映：

靈戲逼人｜65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

靈戲逼人︳阮嘉敏演出參考《大時代》周慧敏 童星楊凱博耍纓槍顯真功夫【下一頁】

{{hket:inline-image name="yuen.jpg"}}{{/hket:inline-image}}

{{hket:inline-image name="yuen4.jpg"}}{{/hket:inline-image}}

{{hket:inline-image name="yuen2.jpg"}}{{/hket:inline-image}}

劇中阿東、傑仔經常出雙入對，關係要好，而且傑仔對暗戀他的若琳（阮嘉敏 飾）完全無感，觀眾認為他有「HEHE」之嫌，網友留言要阿東把心一橫同傑仔一齊，同時認為敏敏、若琳只是煙幕，兩男才是真愛，大推「東傑CP」，似乎好受歡迎。

吳子冲接受《晴報》電話訪問，他笑言：「其實第一日開始拍劇時唔覺，當時劇本未齊晒，一路拍落去，越睇越發覺點解傑仔咁得意？到底傑仔係咪鍾意阿東？連導演、工作人員私底下都幫傑仔改咗個花名叫『奸妃』，因為傑仔成日都怪怪咁！好似今集咁成日幫倒忙，搞到阿東、阿敏關係更加衰。佢一時又唔覺意漏低電話，一時又喺唔適當時間出現，令佢哋箍煲機會冇咗！」他表示傑仔世界只有鬼同阿東，對若琳完全無感。

子冲表示跟阮浩棕雖然第一次合作，拍攝前特別約食飯傾劇本，希望盡快建立劇本中所描述兄弟之間的默契，直至拍攝完畢，他們變成好朋友、好兄弟，經常在IG互窒「放閃」，認真搞笑。子沖︰「其實我哋兩個角色一陰一陽，我就陰柔少少，戴住帽同戴眼鏡，孱弱少少咁，佢就係陽光大直男，感覺好唔同嘅兩個鄉下仔。而家我哋好好朋友，佢係公司入面其中一個好了解我嘅人，如果公司諗住拍一套BL劇（男同志劇），我哋兩個係適合嘅人選！」

靈戲逼人｜吳子冲入行5年首次拍爆喊戲 喊到鼻水連連：橫隔膜又抽筋【下一頁】

{{hket:inline-image name="357638773_1471075173636569_3913412204474449923_n.jpg"}}{{/hket:inline-image}}

至於阮浩棕就指「HEHE」線只是觀眾幻覺，大爆阿東的感情線發展，他說：「哈哈！我哋拍果陣都成日咁樣開玩笑，話傑仔係因為阿東先唔理若琳！我同子冲係第一次合作，我哋出奇咁好投契，再加上劇情上成日黐埋一齊，先會製造一種咁嘅氣氛！有時現實中，好兄弟之間係會有少少曖昧，所以網民咁覺得唔出奇呀！不過方浩東嘅真命天女一定係敏敏，所以傑仔都係去搵番自己條感情線啦！」

{{hket:inline-image name="yuen6.jpg"}}{{/hket:inline-image}}

{{hket:inline-image name="yuen3.jpg"}}{{/hket:inline-image}}

{{hket:inline-image name="CNG.jpg"}}{{/hket:inline-image}}

{{hket:inline-image name="358422648_986525259139017_2769517928507591388_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組