尹光愛玩乜都試誓要唱到90歲 「廟街歌王」籲政府搞旺夜市自救

尹光近日因為「AI尹光」再度爆紅，網民對於他的獨特聲線重新演繹年輕歌手的歌曲，大感好奇。一向愛玩的尹光雖然有感跟「AI尹光」不太相似，但膽敢將今次演唱會融合AI放上紅館舞台，挑戰自己。「廟街歌王」尹光笑稱從未在廟街賣唱，眼見港人近年喜歡北上或外遊消費，連廟街都變得淡靜，他期望政府努力推動搞旺夜市，香港人繼續撐住香港！

{{hket:ul-video id="9217"}}{{/hket:ul-video}}

尹光11月4日將在紅館舉辦《Wan K. 宇宙巡邏演唱會》，事隔14年再踏上紅館舞台，今次尹光著大家不要稱呼他為「光哥」，而是改稱「光B」，他透露：「今次特別啲，我會唱AI歌曲，亦會Rap。其實我由細到大唱歌唱到目前為止，我都未睇過提詞機，亦未試過拎住貓紙唱，我覺得拎住唱就發揮得唔好，顧住睇熒幕眼神又唔好睇，提詞機係好，但自然感情就會冇咁好。」光B預告今次百分之八十入場的是年輕人，所以會選唱新歌曲，「其實就算AI未流行前，我已經有留意年輕歌手，網上突如其來殺出一位『AI尹光』，點解咁多歌手唔用，偏要搵尹光呢？因為大家覺得我聲線有趣，你可以話佢醜化我，因為我唱腔唔係咁造作，到時大家嚟紅館聽，睇下到底尹光定『AI尹光』唱得好！」

尹光成首位註冊AI聲音藝人 滿足網民要求唱《一人之境》【下一頁】

{{hket:inline-image name="J1-10.JPG"}}{{/hket:inline-image}}

{{hket:inline-image name="J1-14.JPG"}}{{/hket:inline-image}}

{{hket:inline-image name="02613276-790f-4a35-ba33-c0e9758dfba6.jpg"}}{{/hket:inline-image}}

尹光被封為「廟街歌王」或香港「Rap界始祖」，他表示：「其實好多人Rap比尹光好幾千倍，我真係唔係始祖，不過有樣嘢好，就係我Rap啲歌詞你會聽得明，就算我Rap幾快都好，你起碼聽到六至七成！」他認為跟歐陽靖（MC Jin）認識是一種緣份，有次在油麻地榕樹頭偶遇，大家聊天傾起，幸好他有一曲《少你阿爸》，打開兩人的話題，隨後有不少廣告商喜歡他們，找他們拍廣告。「我份人最貪玩，咩都鍾意玩、鍾意試，開心就得啦，最怕悶！」

至於另一位最佳拍檔，不少網友提起尹光就會想到朱咪咪，尹光稱曾經外間有誤會，以為兩人不和，「我同朱咪咪係好朋友，只係之前有人誤會我哋間中喺台上鬥嘴，就以為我哋不和，全部都唔係事實。咪咪姐對我好好，以前一齊返TVB做嘢，有湯水預埋我一份，收工又順便車埋我走，我同佢兩公婆都好熟絡呀！」至於歌唱事業的伯樂，尹光稱絕對非張耀榮莫屬，1991年張耀榮提出為他開紅館演唱會，門票一度滯銷，尹光連訂金都想退回投降，沒想到張耀榮堅持做觀眾、堅持開騷，直至開騷當天，突然出現長長的購票人龍，這支強心針，讓尹光最終一年內開三次紅館演唱會，絕對是前無古人後無來者。

尹光年輕時曾沉迷賭錢輸廿幾萬 慨嘆：輸錢皆因贏錢起【下一頁】

{{hket:inline-image name="J1-4.JPG"}}{{/hket:inline-image}}

{{hket:inline-image name="J1-7.JPG"}}{{/hket:inline-image}}

{{hket:inline-image name="J1-17.JPG"}}{{/hket:inline-image}}

有「廟街歌王」之稱的尹光，會否懷念昔日香港的「夜繽紛」？尹光笑言其實他從沒有在廟街賣唱過，只是他的卡式帶不斷在廟街街頭巷尾用喇叭播出，唱到人人皆知，才有這個稱號。提到夜市，尹光說：「疫情關係大家習慣早食飯，外面好多餐廳夜晚六點好食喇，再夜少少就關門大吉。香港市民點解要去外地消費呢？因為生活指數太貴，內地消費較平，所以好多香港人尤其係長者，好鍾意去內地消費。所以請香港高官們多多諗吓辦法，點樣令港人留港消費啦！如果減舖租的話，物價自然下降，咁大家就會返嚟消費，我哋始終係香港人，應該多支持香港！」

{{hket:inline-image name="J1-13.JPG"}}{{/hket:inline-image}}

今年74歲的尹光健步如飛，表演時中氣十足，生龍活虎，閒時更愛與太太飛歐洲旅遊，享受寫意人生，但從沒想過要退下來，「生活係冇年紀限制，做人睇開啲就得，我敬業樂業，而且鍾意唱歌，細個爸爸唔畀我學唱歌，佢覺得唱歌係低下層先做，但我鍾意，所以咪偷偷去學，所以唱到今時今日。如果畀我把聲保養得好，我永不言休，唱到90歲我都會繼續唱落去。」

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

攝影：陳健珊、林君茹
撰文：楊安莉