譚仔米線│尹光勁讚《造星V》Kakit前途無限憑「AI尹光」爆紅籲勿墮網上騙案

發佈時間: 2023/07/05

74歲的「廟街歌王」尹光近日因網上流行一系列「AI尹光」翻唱的流行曲，令本尊爆紅。尹光今日與DJ黃正宜（阿正）及《全民造星V》參賽者鄧家杰（Kakit），一試譚仔雲南米線全新「烤雞炸醬撈寬麵/米線」，尹光激讚年僅19歲的Kakit前途無限，更講笑叫後輩做師父，令Kakit受寵若驚！

同場加映：全民造星V丨Nathan女友離世認曾考慮過退賽王鋒跟阿澤反目糾紛仍需時間解決

尹光、黃正宜及鄧家杰昨日率先試食全新譚仔撈寬麵，三人即席合唱《少理阿爸》改篇版《譚仔撈米線》：「闔家撈撈撈，做人最緊要識撈；譚仔Go Go Go，依家寬麵都有得撈！」笑爆全場。

大前輩尹光大讚Kakit：「Kakit跳舞同rap都犀利，可以做我師父！我睇好佢，得19歲前途無限。我好鍾意同後生jam歌，學到好多新嘢，人都變得後生。」最近「AI尹光」爆紅，尹光說：「好好聽，都學到七、八成。不過依家AI連個樣都模仿，太多騙案，大家好唔信。」

Kakit笑言從小聽尹光的歌曲長大，希望跟前輩合作，談到他獲得網上民選三甲，網民戥他出局不值，他謙稱：「好感恩收到海量打氣，希望畀自己一年時間試下，繼續喺呢行撈。」尹光鼓勵他說：「失敗乃成功之母，你已經贏咗嘞！」

至於《造星V》導演出po爆料，是非不斷，亦有網民質疑爭十強對決抽籤造馬，優待「契仔」王鋒。Kakit強調無造馬：「抽籤講命運同緣份，我唔覺得阿生（王鋒對手）表演比較差，只係口味唔同，依家嘅十強都係值得嘅！」

同場的阿正剛開設咖啡店，她搞笑說：「大家精準啲，叫我『易追單身老闆娘』！」已單身兩年的阿正，被爆曾多次要求魏浚笙介紹其靚仔哥哥，但失敗收場，被問到可會坐鎮咖啡店識男仔？她說：「我哋着重同客人之間嘅溝通，間舖最出名係『我嘅美色咖啡』。」

採訪：黃寶蓮

攝影：林良明

撰文：娛樂組

最新文章