EYT聚會丨余慕蓮靠傷殘津貼幫補標靶藥費 只食魚同碎牛 遺憾不能再赴惠州

資深演員余慕蓮（魚毛姐）近年經歷肺纖維化大病後，不時相約圈中好友食飯見面敘舊，昨晚是EYT的聚會，她使用助行架，在外傭陪伴下現身，全場二百多位台前幕後的舊同事都為她鼓掌支持，非常窩心。見魚毛姐精神不錯，不過訪問時都仍然氣弱。

同場加映：

萬能綠葉王丨楊證樺大小角色照博盡深受監製喜愛 望與太太沈可欣攜手演到終老

{{hket:ul-video id="9177"}}{{/hket:ul-video}}

近年患肺纖維化｜余慕蓮勤散步練腳骨力防止跌倒 舉目無親身後事從簡：骨灰灑花園【下一頁】

{{hket:inline-image name="MO2.jpg"}}{{/hket:inline-image}}

{{hket:inline-image name="MO1.jpg"}}{{/hket:inline-image}}

除了余慕蓮之外，EYT聚會中見到不少熟悉的面孔︰包括盧海鵬、陳百祥、黃杏秀、寇鴻萍、大AL張武孝、鄧英敏、李添勝、劉丹、蔡和平、潘嘉德、劉曉彤、黃錦燊、林志美、李龍基等等都有出現，場面非常熱鬧。魚毛姐接受訪問，表示：「今次見番啲舊同事好開心，我比較遲嚟，一嚟到就大合照喇！冇出席好多年，因為疫症個聚會就中斷咗幾年，加上我身體唔好又入咗一輪醫院呢。（而家身體點？）OK啦，而家出街會帶埋工人姐姐照顧我，兩個月一次去醫院複診，狀況都OK，醫生話冇可能好，只係唔好畀佢翻發。」

魚毛姐話自己很乖，每天都聽醫生的吩咐有去做運動，說：「醫生叫我行多啲，對腳先至有力，唔行就冇力，因為啲肌肉收縮，所以我每朝六點起身落公園周圍行吓，同踩健身單車，等自己多啲郁動。」至於飲食方面，好未能好好咀嚼，選食物格外小心，「食唔到硬嘢，要食軟嘢，多數食魚同碎牛肉，（要唔要食補品補氣？）唔使，醫生只係話我唔夠營養，因為食唔到嘢，吞唔到嘢，所以我要食營養補充品。」

86歲生日︳余慕蓮連踩兩場「容姨」罕現身 壽星女堅持埋單請食晚飯【下一頁】

魚毛姐坦言標靶藥藥費高昂，一年高達7萬幾港元，問到是否能應付？她說：「醫生叫我申請政府傷殘津貼，幫補到一半，（出完書有咩計劃？）出書我冇錢呀，啲錢捐畀兒童癌病基金，我死咗之後都叫人賣咗間屋，將啲錢捐去東華三院，我都冇親人，死咗化成灰灑花園入面囉，一切從簡。」

{{hket:inline-image name="IMG_1218.JPG"}}{{/hket:inline-image}}

提到她早前把退休金捐到惠州籌建學校，是否想再去探望？她感慨說：「唔去得，因為行唔到，坐車都唔得，本身車淑梅叫我去，但真係唔得，算啦......唔好講唔開心嘢！」​

{{hket:inline-image name="6778_600.jpeg"}}{{/hket:inline-image}}

{{hket:inline-image name="689_600.jpeg"}}{{/hket:inline-image}}

{{hket:inline-image name="98_600.jpeg"}}{{/hket:inline-image}}

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】

 

撰文：娛樂組