屯門市廣場「梳乎中秋市集」 60個食品商雲集 晚上限時激筍優惠

唔經唔覺，Chill級治癒系角色梳乎蛋誕生10周年喇！黛安收到風，屯門市廣場即日起至9月29日，夥拍「盛薈Circus Media」邀請GUDETAMA（梳乎蛋）打造「梳乎中秋市集」，場內有多達60個中秋食品品牌商戶雲集，例如傳統及特色月餅、參茸海味禮盒、餐酒及日本時令水果等等，喺指定攤位即日單一消費滿$300，加$20更可換購梳乎蛋10周年造型環保購物袋。

造型多變嘅梳乎蛋，仲會以中秋應節獨家鬆萌造型喺屯門市廣場亮相。而梳乎蛋巨型月亮亦會到臨屯門市廣場1樓中央廣場，為全場照出暖意；場內更設巨型梳乎蛋造型燈籠、由20個發光造型小燈籠組成嘅燈籠牆，提早同粉絲賞月，歡度中秋。

此外，市集喺指定周末，包括9月16、17日及23、24日將延長營業時間，晚上9點起，更會推出多個限時激筍優惠，顧客只要喺晚上7點後於商場內作任何消費，即可以$1購買鮑魚、迷你月餅、芒果糯米糍等產品，名額有限，先到先得。