魏浚笙成譚仔三哥15周年代言人 推3款新品

為慶祝15周年，最近譚仔三哥米線（譚仔三哥）請咗男神Jeffrey魏浚笙做代言人，更以日本風味為靈感，推出全新「三哥黑蒜油味噌湯米綫」、限定小食及特飲，部分分店門外更貼有玻璃貼，及放置Jeffrey嘅人型紙板，畀粉絲打卡。

全新限定小食「麻香昆布素菜卷」既有日式關東煮風味，又不乏譚仔三哥嘅獨特麻香與鰹魚昆布汁嘅鮮甜味道，配搭出口感清爽嘅「櫻花蒟蒻蘋果綠茶」限定特飲，真係絕配呀。

至於三哥黑蒜油味噌湯米綫則以兩種味噌混合並調配至黃金比例，再混入譚仔三哥湯底中，加入蒜香撲鼻嘅黑蒜油，濃郁甘甜嘅味噌湯底就此誕生。然後加埋秘製滷汁慢煮至入味嘅腩卷、溏心蛋等，令人一試難忘。公關姊妹話，呢款米綫更備有唔辣口味，即使唔食辣嘅朋友，亦可一嘗佢嘅特色湯底。