八達通推迪士尼100周年系列珍藏版 即日接受預訂

最近八達通卡有限公司首度推出3款迪士尼100周年系列珍藏版八達通卡，經典迪士尼、超人氣PIXAR及超級英雄MARVEL角色濟濟一堂，與粉絲重溫與迪士尼嘅開心時刻！

黛安聽公關姊妹講，呢個系列分別為迪士尼珍藏版、PIXAR珍藏版及MARVEL珍藏版，銀色卡面配上Disney 100燙銀標誌，盡顯尊貴時尚。為紀念百年一遇嘅主題，每款八達通卡都包含各品牌嘅人氣角色，例如迪士尼珍藏版集結咗米奇米妮、唐老鴨、辛巴等；PIXAR珍藏版則有胡迪與巴斯光年等；MARVEL珍藏版則齊集一眾漫畫英雄，如鐵甲奇俠、黑紅蜘蛛俠等，勢必掀起搶購潮。

八達通銀包客戶即日起至9月14日下午5點，可透過八達通App預訂，每款售$178（免郵費），不設按金及儲值額。