我和殭屍丨尹天照嘆新版《我和殭屍》難與舊作比較 有興趣捧場：聽講萬綺雯返嚟拍

久未在港亮相公開活動的尹天照(阿照)，今日聯同張文傑、湯君慈等到九展為《香港健美及運動體適能錦標賽2023》擔任頒獎嘉賓。阿照於亞視年代憑劇集《我和殭屍有個約會》況天佑一角爆紅，去年尾該劇開拍電影版《驅魔龍族馬小玲》，由陳十三任導演及編劇，並找來黃宗澤、吳千語擔正。

同場加映：馬浚偉跨越喪母後遺情緒病 面對爸爸去年胃癌病逝：感恩無憾

{{hket:ul-video id="9111"}}{{/hket:ul-video}}

{{hket:inline-image name="A5.jpeg"}}{{/hket:inline-image}}

{{hket:inline-image name="A4.jpeg"}}{{/hket:inline-image}}

對於舊作翻拍，阿照坦言當初也有找他：「我無拍，因為本身信仰唔拍殭屍戲，電影公司搵過我拍宣傳片，原本佢話同殭屍完全無關，差啲拍咗，宣傳嘅唔係況天佑，但都係宣傳殭屍戲，對我之前承諾有問題。(可會入戲院睇？)佢(投資者)會請我睇卦？有機會都睇下，好似萬綺雯(馬小玲)返嚟拍一場半場。」

{{hket:inline-image name="xx.jpg"}}{{/hket:inline-image}}

{{hket:inline-image name="x1.jpg"}}{{/hket:inline-image}}

談及很多網民擔憂電影版毀壞經典，他感慨道：「唔好比喇，每個人有不同演繹方式，觀眾睇得順眼就開心，有啲唔同係因為搵前作去比較，咁樣睇法唔公平！」另一方面，早前有報道指他在內地登台出場費僅得五萬，他對此澄清：「我連自己出場費都未決定，你(報道)幫我決定咗！」阿照強調解釋也是徒然：「我喺內地做嘢，每個工作費用都唔同，要睇搵我做嘢公司同要做乜。」

{{hket:inline-image name="A1.jpeg"}}{{/hket:inline-image}}

此外，有指阿照曾飽受類風濕痛症困擾，問到現時身體狀況，下月將59歲的他自言已好好保養身體：「現時每晚10點已就寢，早上起身後跑七公里，跑完再做兩小時健身。」阿照更爆料：「早兩日黑色暴雨嗰晚，袁文傑、李潤祺約我夜晚10點去飲嘢，我話你哋慢慢飲，我10點幾唔瞓覺，第二朝起唔到身跑步！」

{{hket:inline-image name="A2.jpeg"}}{{/hket:inline-image}}

{{hket:inline-image name="A3.jpeg"}}{{/hket:inline-image}}

採訪、攝影：Steven