甜酸苦辣鮮丨王智騫恨拍劇拍戲不介意BL題材 范麒智感激爸爸支持入行望多學習

ViuTV綜藝節目《甜酸苦辣鮮》邀請兩位主持新丁王智騫（Martin）和范麒智（Kenji）擔大旗，兩位小鮮肉除了腹肌同手瓜成焦點之餘，兩人的「甜蜜」溫馨互動更令觀眾聯想起BL劇（男男愛情片）。他們感恩參與《I SWIM》劇集拍攝，多得MIRROR的勢頭下，令更多人認識他們，今次拍節目希望將自己真實的一面呈現大家眼前。

同場加映：TONE Music Festival丨張天穎Lolly Talk冷靜與熱情之間 懶理競爭見證對方成長：感動起雞皮

{{hket:ul-video id="9128"}}{{/hket:ul-video}}

Martin同Kenji坦言沒有刻意營造BL的氛圍，只是兩人首次做主持，製作組擔心氣氛不足，所以加入新鮮的元素，沒想到ViuTV預告片一出，未正式播出就已高達30萬點擊，令他們大感震驚又興奮。今次兩位大男孩先後飛到台灣和新加坡挑戰味蕾感官，Kenji最難忘是台灣的「大王麻辣乾麵」，辣度列一至七級，他挑戰到第六級就要「扯白旗」投降，「一邊食一邊好似卸緊妝咁，成個妝溶晒，直情麻痺到成隻手都冇乜感覺，真係太辣，所以我放棄咗！」Martin成功挑戰第七級，事前還要簽生死狀，他形容食完麵呆足半個鐘，感覺出現人生走馬燈一樣，不過他指今次行程中學習出海收蠔再享用新鮮生蠔，令他非常興奮，「我問船夫可唔可以畀我揸船，點知佢好大方咁畀我試，個感覺好正，我本身係安全至上嘅，成件事好好玩但坦白講我控制得唔太好！」

{{hket:inline-image name="DSC05926.jpg"}}{{/hket:inline-image}}

{{hket:inline-image name="DSC05931.jpg"}}{{/hket:inline-image}}

{{hket:inline-image name="DSC05916.jpg"}}{{/hket:inline-image}}

甜酸苦辣鮮丨王智騫挑戰致命辣麵食一啖即肚痛 范麒智被爆深受女性歡迎【下一頁】

首次挑戰拍攝旅遊節目，他們異口同聲認為絕對不容易，事關以往戲劇都有劇本、有既定的角色性格參考，但今次只要攝影機一開，就要跟鏡頭有交流，盡量不希望有「Dead Air」，所以精神上較疲累。Martin大讚Kenji在節目中進步不少，以往較怕醜寡言，今次盡情豁出去，「我哋性格同風格都唔一樣，我成日覺得佢對眼好有攻擊性，我就好似比較慘咁憂鬱少少！」Kenji指平日模特兒工作經常要Chok住影相，所以被誤會是惡形惡相，「私底下我其實蠢蠢哋又呆呆哋咁！」

對於兩人經常「糖黐豆」出現，Martin說：「以往就多一齊出活動，互動性比較少，今次旅行就真係熟咗好多，（厭未？）還好，不過每次落機都話希望嚟緊幾日見唔到佢！（拍BL劇？）我冇所謂呀，我好恨拍嘢，咩都鍾意拍，快啲搵我啦！BL劇我最深印象係《大叔的愛》，輕喜劇夠晒開心。」至於Kenji就鍾意睇泰星Bright同Win這對人氣CP，兩男一位有型一位強勢，各具特色。MIRROR十二位成員橫掃香港的廣告，作為新生代的男藝人會否擔心影響到機遇？Martin說：「競爭唔係負面，大家都係想做更好嘅作品，站在我個人立場，有咩機會嚟到就盡力做好佢，冇諗太多其他嘢，我反而好開心有兩套電視劇可以同MIRROR合作，係佢哋幫我好多，當時《I SWIM》我IG由幾千人升到5萬。」Kenji大感同意，因他拍《I SWIM》時基本上未正式入行，但因他們的關係令更多人認識他，絕對非常感恩。

冰上火花︳王智騫因拍劇鍾意冰上曲棍球 孖柯煒林黃溢濠組隊打聯賽【下一頁】

{{hket:inline-image name="DSC05763.jpg"}}{{/hket:inline-image}}

{{hket:inline-image name="DSC05768.jpg"}}{{/hket:inline-image}}

Kenji的爸爸是著名本地足球員范俊業，他感激從小至大都有充份的自由發展興趣，所以他是曾是香港水球代表隊成員，但並非足球。他說：「我好鍾意運動，就算入行喺娛樂圈發展，我都不時會練水、練波等等，冇放棄過。我好多謝爸爸同媽媽一直以來都冇畀壓力我，當然有壓力係源自自己，因為見爸爸踢波呢方面得到大家認知有一定地位，成日都諗會唔會都要達到佢程度先得呢？係呢種無形壓力，爸爸反而叫我唔使諗咁多，佢哋畀好多行動上支持我。有時收工收得夜，佢哋就算瞓晒覺，媽媽總係會煲定湯留湯畀我飲，而爸爸又周不時送禮物畀我，就係呢啲小行動令我所有疲倦同煩惱都忘記晒！」

Martin羨慕Kenji全家人都有運動細胞，自己四肢不太協調但偏偏接拍多部運動題材的戲劇，「落完水又踩冰，我練到一身肌肉，心態上係唔打得都睇得嘛！」對於他曾揚言拒絕跳舞唱歌組男團，他笑言現在不太抗拒，事關拍劇令他得到很多不同的技能，不排除任何嘗試都帶來不同的可能性。

{{hket:inline-image name="DSC05836.jpg"}}{{/hket:inline-image}}

化妝：Agnes Yeung
髮型：AL Leung（王智騫）、Oscar Shek（范麒智）
服裝：Bonsai + Farme@Harvey Nichols / Christian Louboutin /Emphasis（王智騫）、Wooyoungmi@ Harvey Nichols / Versace / Christian Louboutin / Emphasis（范麒智）
攝影：馮凱宜
撰文：楊安莉