陳凱琳陽光「高級臉」抖音零負評 封「完美港姐」：鄭嘉穎是人生贏家

鄭嘉穎近日去到內地搵真銀，早前參加內地綜藝節目《披荊斬荊3》，唔知係咪水土不服，仲搞到聲帶出問題，不過都依然頂硬上完成節目拍攝。而佢太太Grace陳凱琳近日都去到內地搵錢，開通埋抖音嘅佢用自己一貫風格拍攝短片分享個人生活，內地網民都非常buy，留言一致讚到佢上飛，睇嚟Grace去內地發展有得諗呀！

同場加映：怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

Grace上年5月時開抖音帳戶，好多時都會用普通話拍片，近日嘅就廣東話比較多。Grace喺抖音分享嘅內容同其他社交平台有部份相同，但都有唔少刻意地用戶內拍攝嘅內容，就好似早前嘅淘寶開箱同埋去到深圳食四川火鍋嘅影片。片中Grace表示自己都係自購，而佢買嘅嘢都好平民，都係畀兩個仔嘅水樽同畫板等，另外仲有啲烘焙用品，表示喺淘寶買會平啲。

{{hket:inline-image name="3.JPG"}}{{/hket:inline-image}}

另外一條片佢就盡顯真性情，自稱係辣妹嘅佢去食四川麻辣火鍋，中間仲唔小心食到彈到塊面，非常real！除咗食嘢片，佢仲真實分享好多佢嘅家庭生活片段，成日都笑得好開心嘅佢充滿住正能量，而且剪片節奏明快，深得內地網民歡心！

內地網民對佢嘅片都有讚冇彈，留言：「你的視頻真的讓人看了很舒服，大概是因為你在用心記錄自己的生活，讓人看了很舒心吧。」、「鄭嘉穎上輩子拯救了全宇宙才能娶到你。」、「最完美港姐。」、「人美家世好就算了，性格還那麼陽光，娛樂圈真少見。」、「三個BB媽媽，身材又好，人又好漂亮。」、「好可愛的個性，開朗活潑搞怪。」、「每天都刷到你，你很陽光很喜歡看你的視頻。」、「長的很高級，卻又很接地氣的女明星，愛了愛了～」、「明星買的東西也這麼接地氣嗎，這些玩具居然跟我買的一樣。」、「沒看一遍我都覺得鄭嘉穎好福氣能娶到你，他真的應該比賺了一百億還幸運。」、「三個孩子，還少女感滿滿，選港姐的時候就覺得她非常驚艷了，樣子很高級。」

鄭嘉穎同年輕22歲嘅Grace甜蜜慶祝54歲生日，兩夫婦婚後四年抱三，誕下三個非常可愛的囝囝。Grace婚後冇退隱，仍然用心經營KOL事業，不過人地嘅朋友就應該好難睇到Grace接拍真人騷或者劇集，佢曾表示因為小朋友大得好快，我怕出埠工作會少咗時間陪佢哋，完全冇忽略屋企，認真係全能好媽媽！

圖片來源：抖音