王敏奕心痛曾志偉太忙應多休息 讚老公係智慧老人：從冇鬧交

曾志偉兒子曾國祥在2019年，與拍拖6年的王敏奕結婚，在日本舉行婚禮，一直過着甜蜜的婚姻生活。過去4年，受疫情影響，兩公婆由於工作關係常常分隔異地，聚少離多，屢傳婚變，王敏奕亦隨即否認傳聞。

同場加映：

怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="22.jpg"}}{{/hket:inline-image}}

{{hket:inline-image name="3564.jpg"}}{{/hket:inline-image}}

最近，王敏奕接受由陳永業、袁梓珮訪問，在港台節目《香江暖流》上提到與老公的相處之道，她笑說：「有時係老公開解我，因為佢內心係強大啲，可能年紀大啲，經歷多啲。佢知我份人比較情緒化，已經接受咗，同佢一齊，我冇擔心嘅感覺。」由相識到結婚沒有試過鬧交，王敏奕：「我哋唔覺得鬧交係解決問題嘅方法，我哋會好努力保護對方，顧及感受；每個人都有發脾氣嘅時候，會有䒐䒏嘅時候，不過唔會對住對方發洩。」

刑偵日記│王敏奕與曾志偉是家人不能分割 努力做好本身：最重要對得住自己【下一頁】

在王敏奕的眼中，曾國祥是有智慧的人，想法、視野廣闊，她則較為衝動、感性和即興，「老公好似老人，佢世界好大，亦都因為咁，令到我個世界都變到好大。佢再勁啲，冇嘢煩到佢，識減壓，有熱誠，有興趣、喜好，又多好多朋友。我覺得佢好完整，係一個好好嘅人。我好似仲要不斷學習，睇吓點樣修補某啲部分，呢個就係我哋嘅分別。」

{{hket:inline-image name="10.jpeg"}}{{/hket:inline-image}}

身為曾志偉的新抱仔，老是被外界標籤「多提名」、「多劇拍」、「有老爺照住」，王敏奕不瑋言這正常的，根本很難去避免別人有這個想法，她選擇做好自己的本份，「當你嘅努力值得被人提嘅時候，人哋咪唔提其他嘢囉！我好感恩，覺得好幸運，我同自己交代，自己嘅努力對得住自己咁就OK，最緊要係同自己過得去。」

【絕世乖女】王敏奕超孝順14歲孭起頭家 阿媽再嫁 Venus錫爆同母異父細佬【下一頁】

{{hket:inline-image name="DSC_4926.JPG"}}{{/hket:inline-image}}

工作上，王敏奕是否請教老爺的意見？她很大反應笑說：「嘩！咁小事，唔好煩佢，真係太小事喇！見到佢老人家真係好忙，尤其呢幾年，佢真係好辛苦，好攰，處理好多嘢，大小事都要佢理......每次見到佢都想佢多啲休息，關心吓佢身體，一家人傾偈食餐飯係最舒服，工作嘅嘢就放低先。如果有人同佢講︰『敏奕今次演得幾好喎！』我反而唔想有呢啲情況出現，尤其係喺同一間公司（TVB）工作時，我更加要做好自己，唔希望有嘢煩到佢。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】