【佛教喪禮】曾志偉偕兒媳曾國祥王敏奕惜別太太朱錫珍 「對佢嚟講唔再需要痛苦...」

曾志偉的太太朱錫珍本月3日不幸離世，事件被台灣傳媒揭發後，曾國祥在社交平台證實消息，並揚言媽媽非常低調，希望平靜完成最後旅程。曾志偉保持低調沒有回應死訊，昨晚家人為朱錫珍在大圍寶福紀念館設靈，曾志偉、曾國祥及太太王敏奕都有現身，而好友吳君如和陳可辛亦有到場致哀。

相關新聞：【背後低調的妻子】曾志偉第二任太太朱錫珍病逝 曾國祥與妻多次到醫院探望母親

{{hket:inline-image name="ebc6be59-0aec-4794-97b1-a6c558e2c778.JPG"}}{{/hket:inline-image}}

(圖片：東星娛樂)

今晨朱錫珍在殯儀館正式舉殯，並到寶蓮寺進行最後的送別儀式，曾志偉、曾國猷、曾國祥和王敏奕都穿上全黑素服，志偉胸前戴有白花，見到傳媒採訪都雙手合十以示謝意。寺內誦經兩個半小時後，志偉聯同兩個兒子曾國祥、曾國猷及新抱王敏奕到火葬場完成儀式後，志偉和曾國祥做代表接受訪問。

{{hket:inline-image name="69c030e8-96ca-4d6d-87b9-ecc916dafd25.jpg"}}{{/hket:inline-image}}

(圖片：東星娛樂)

{{hket:inline-image name="bee66020-2c58-43db-99d2-01e9c5777381.jpg"}}{{/hket:inline-image}}

(圖片：東星娛樂)

{{hket:inline-image name="e06e367a-67a6-4550-b35b-a34876736542.JPG"}}{{/hket:inline-image}}

(圖片：東星娛樂)

志偉提到今次低調處理喪事是太太遺願，他表示：「我哋兩父子都想跟隨佢（太太）嘅意思，佢本身都係一個好低調嘅人，依家又有疫情，都唔想聚集咁多人，所以選擇咗一個寧靜嘅方式。佢都病咗一段時間，離開時一家人都喺身邊，其實對佢嚟講已經有好充分嘅心理準備，我哋亦都係，對我哋嚟講（離開）都唔係太突然，對佢嚟講都係一個唔再需要痛苦嘅事實。佢病咗都有成十個月，阿仔都好乖一路都陪住，我哋最想都係佢唔好再痛苦。（太太因咩病離世？）其實都好多種（癌症）。」

相關新聞：【帶貨銷售額過千萬】曾志偉直播賣酒被靚女突然送抱 當堂嚇窒拒絕對方一句KO

{{hket:inline-image name="800_323982eb-c02c-4f0d-b698-0f7e5e95165c.jpg"}}{{/hket:inline-image}}

較早前朱錫珍被傳媒拍到出入醫院。(圖片：東星娛樂)

曾國祥直言媽媽心願是海葬，將會遵照她的遺願擇日完成，他直言早前獲頒發金像獎「最佳導演」對媽媽而言是最好的禮物，當時兩母子在醫院睇直播：「宣布嗰時都好開心，佢都攬住我，大家都喺度喊，我希望嗰個都係我畀佢有史以來最好嘅母親節禮物，好感恩有個機會畀佢睇到我少少嘅成果。」

志偉直言一家人都是佛教徒，對於生死有一套的看法，他表示太太生前經常去不同寺廟做義工，所以寺廟上下都好似一個大家庭去完成這件事，絕對是她的功德。

責任編輯：楊安莉