蔡瀾半年間急促蒼老坐輪椅現身 股頸骨跌碎嘆手尾長停止更新FB

年屆82歲嘅香江「四大才子」之一蔡瀾今年4月表示股頸骨跌碎，需要做手術，自此未有再更新社交平台，亦未有再露面，大家都好關心佢嘅身體狀況。日前就有內地網民在社交平台post片，表示於馬來西亞捕獲蔡瀾。

同場加映：

全民造星V｜Lyman亨仔靠積蓄追夢望演戲 KC落力搵人投資搞VR跳舞騷

{{hket:ul-video id="9019"}}{{/hket:ul-video}}

網民於社交平台甫片，留言：「在馬來看到這個老先生，聽說很有名。」呢位網民唔認得，不過一出post就好多人都認到呢位「老先生」就係蔡瀾。片段所見，蔡瀾坐喺輪椅上，唔太精神，旁邊有一個女士陪伴，似乎係介紹緊當地美食廣場嘅餐廳。片中看到見到蔡瀾比起半年前明顯蒼老不少，但仍有仔細聆聽旁人講解。

{{hket:inline-image name="332502678_1253560805586532_6003218546422960001_n.jpg"}}{{/hket:inline-image}}

2月時蔡瀾曾經上傳自己喺日本拎住拐杖嘅獨照，腰板直，而且好精神，唔少網民留言感慨見到佢半年間急促蒼老，「怎麼突然老了這麼多」、「已經衰弱到這個程度」、「老人家跌一跌真係好大件事」。

蔡瀾自老友倪匡離世後就頻繁更新佢嘅社交平台，以文字紀錄低一啲生活小逸事同往事，網民睇到津津有味。3月時蔡瀾突然停止更新日記，令大家都好擔心，終於4月18日蔡瀾再出post：「日記停了下來，又沒向大家說明原因，真是對不起各位。我跌了一跤，把股頸骨摔碎了。醫生即刻為我換了一塊金屬的，當今在醫院休養。這一病，手尾很長。我心情也不佳，不想做任何事，請大家原諒。日記何時再續，也不去想了，請大家給我一個空間。日後再談。」自此蔡瀾就冇再update，除咗可惜之外，更多係擔心佢健康。

撰文︰娛樂組

圖片來源：Facebook