泰友情緣的歲月︳楊玉梅坐擁十幾間食店唔認富婆 憶當護士遇鹹濕佬面前除褲

58歲美魔女楊玉梅是圈中出名富婆，擁有個人飲食王國，近幾年復出拍TVB劇集，包括《牛下女高音》、《迷網》、《十月初五的月光》、《異搜店》及今個月首播的《你好，我的大夫》。這次楊玉梅接受《泰友情緣的歲月》主持人楊紹鴻訪問，由她入行前做護士講起，又提到疫情對其生意的影響，及對演藝事業的憧憬等。

同場加映：怨泊｜何超儀求專業演出唔理老公彈醜樣 靠信仰祈求陳子聰度難關：密切咁求

{{hket:ul-video id="9076"}}{{/hket:ul-video}}

{{hket:inline-image name="09012001.jpg"}}{{/hket:inline-image}}

{{hket:inline-image name="09012002.jpg"}}{{/hket:inline-image}}

楊玉梅分享在診所做護士的趣事，她說：「最好笑係有啲男人係好鹹濕，嗰時我係青春少艾卜卜脆，有啲男人自己帶咗啲藥叫醫生幫佢打，但醫生唔會睬你，佢就話『醫生唔使你，楊姑娘會同我打就得㗎嘞』，大家都知道臀部打針時，只係拉低褲頭少少就拮入去，但嗰個鹹濕佬就成條褲除咗，雖然唔係前面對住我，成個Pat Pat就對住我。」最終她用上打針會痛的方法整蠱對方，不過該名男士「好忍得」，無叫出聲。

泰友情緣的歲月︳李龍基讚細36年女友無微不至 當年拍《鍾無艷》唔敢錫Do姐【下一頁】

提到被封美魔女兼圈中富婆，楊玉梅即落閘話：「富婆？唔係，千祈唔好咁講！（開好多舖頭）小股東、小股東，我係掃吓地同抹枱。（邊個係大股東）大股東就係經營自己。（日本菜有幾多間舖）十幾間！但係而家因為疫情，以前有廿幾間…（1間收1萬都廿萬）唔係，緊係冇咁多啦，但真係因為疫情輸咗好多，好多結業咗，所以而家要慢慢去努力，但多數交畀partner，全部由團隊去做，佢哋已上晒軌道。（全部飲食行業）係，以前投資過美容同指甲舖，但都係虧損，因為力不到不為財，冇咁多時間打理，同埋都真係鍾意做戲。」

泰友情緣的歲月︳羅敏莊唔做怪獸家長擬送女寄宿 爆陳國邦係嚴父：由得佢喊【下一頁】

楊玉梅透露心目中想演的角色類型，「我想唔化妝做阿婆，由年輕做到老，或者做乞衣、妓女、精神病患者、患柏金遜症同監犯。」從今個月首播的《你好，我的大夫》預告片所見，楊玉梅一如所願，角色有所發揮，跟孔德賢飾演兩母子，戲中的她不幸患大腸癌，更要化一個蒼老的病容出鏡。

（↓點擊圖片放大↓）

楊玉梅亦分享現時心態，「去到而家生活，我哋唔係廿幾、卅歲，見嘅嘢有好多，做嘅嘢有好多，覺得我哋呢個年齡係要做我哋鍾意嘅嘢，同埋要好好養生，因為經歷過疫情，多多錢、咩地位？又如何呢？今日唔知聽日事，要enjoy生活！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】