食用安全｜北上福田食生醃海鮮餐 6碟餸埋單僅¥99 港女呻3大伏位：好熱好邋遢

內地吃喝玩樂消費較為便宜，通關後不少港人假日都喜愛北上消遣。近日一名港女到深圳福田朝聖馳名海鮮餐，事後大呻餐廳3大伏位，直言「好熱好邋遢」、「唔係好識欣賞」；最終埋單時，6樣食物僅需99元（人民幣．下同，約108港元），懷疑該餐廳受歡迎原因只是因為便宜。不少網民對於港女夏天北上食生醃感到「勇氣可嘉」之餘，亦反問對方：「99（元）仲想點？」 

同場加映：

Sick問識答｜心臟病發5分鐘內定生死？醫生拆解猝死成因+2大急救關鍵

{{hket:ul-video id="9021"}}{{/hket:ul-video}}

一名港女前日（8月30日）於Facebook群組「深圳·深度遊🇨🇳」發文指，自己之前一直想試食潮汕生醃海鮮，因此便於餐廳點評網站，揀選了一間位於深圳福田的熱門餐廳，北上一戰。

事主表示，當日到達餐廳後，便發現店內早已排滿長龍，現場環境是「好地道嘅大排檔」，大呻現場露天場地「好熱好邋遢」。她續指，餐廳需要自己先找位置坐下，然後再排隊購買食物，所有食物亦沒有標明價錢，分量則根據人頭計算，「員工會問你幾多位就夾幾多嘢（畀）你...」

大呻餐廳3大伏位

事主之後點了5碟餸，當中有3碟是生醃海鮮，分別為蟹、蝦及螄蚶，一碟炸魚，以及一碟炒通菜；另外亦點了一個番薯粥，供顧客任食，「任裝鍾意食幾多都得」。惟食物上枱時，事主卻覺得食物與相片不符，直言：「蟹好細隻仲有啲腥，蝦都好細隻冇乜鮮味，魚好硬，啲菜仲老過我，我咀嚼唔郁。」

事主力數餐廳場地差、衛生不佳且食物難食3大伏位，大嘆與友人都難以欣賞。不過埋單時，兩人6樣食物最終僅花費99元離場；因此她估計，餐廳如此受歡迎，只是因為價錢便宜。

網民：真心唔敢食！

潮汕生醃素有「潮汕毒藥」之稱，不少人誤食不潔生醃恐致肚瀉或染止寄生蟲。因此帖文一出，不少網民都感嘆：「望住你段字再睇相，都有啲搞肚個感覺」、「都是全生的嗎？點食呀」；亦有人關心事主食後健康狀況：「想知有無肚痾」、「感覺之後個肚會有一萬隻大笨象同時奔騰」。

部分網民對於事主文中的控訴，反問「99（元）仲想點」，表示網上不少人提醒大眾天熱時不要光顧，坦言「香港人係頂唔順㗎」。

進食海產6大安全重點

食安中心強調，為保持魚類及蟹的鮮嫩質感而只將之略煮，或無法殺滅當中的致病細菌病毒，故孕婦、長者或幼兒應避免進行未煮熟甚至全生食物，以免受感染或出現併發症。歸納而言，有以下6點特別值得市民及食客留意：

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【免費下載】

每朝索取《晴報》：精明生活．健康家庭．開心娛樂