商界環保協會《BEC零碳約章》 鼓勵企業落實零碳目標

近年商界愈來愈重視環保，商界環保協會有限公司（BEC）日前推出升級版《BEC零碳約章》，仲介紹首批60間簽署企業及機構，包括房地產及建造、銀行及金融、工程及建築等行業，為協會開創零碳新篇章。

商界環保協會主席歐嘉榮同黛安分享，升級後嘅《BEC零碳約章》會繼續鼓勵企業和機構制定及落實零碳目標，為香港長遠減碳作出貢獻。此外，約章簽署機構將獲邀參加協會主辦嘅工作坊同活動，與其他簽署企業和機構一齊學習，分享彼此嘅見解同經驗，更可借助協會嘅專業知識同機會，參與其他約章相關項目，例如Power Up Coalition、碳披露計劃、香港國際機場減碳技能提升計劃等。

公關姊妹話，《BEC零碳約章》為全年可加入嘅恒常計劃，協會亦好歡迎唔同企業和機構簽署約章，一齊展開減碳之旅，邁向淨零排放。