Bob林盛斌自爆婚禮司儀瘀爆尷尬事 曾硬叫離婚父母錫錫 未係最離譜....

堪輿學家麥玲玲夥拍黃紫恩、吳兆麟及陳欣茵等J2ers，合作主持無綫J2台全新清談節目《玲玲友情報》，今次她不講風水只「吹水」，節目主題圍繞事業、愛情、金錢、家庭、健康及是非等範疇。明晚（30日）首集嘉賓請來有「金牌婚禮司儀」封號的林盛斌（Bob），分享他做婚禮司儀多年的有趣見聞，並大逼供追問他做婚禮司儀最高酬勞的一次叫價。

同場加映：破毒強人｜郭柏妍嘆追求者約睇戲後冇下文 唔急破「A0」羨慕丁子朗身邊多靚女

{{hket:ul-video id="9008"}}{{/hket:ul-video}}

{{hket:inline-image name="22.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

Bob指出婚禮三大「錯重點」事宜，包括「新娘瘋狂換衫」、「致辭過長」及「以茶代酒」，內容爆笑之餘更是發人深省。主持婚宴經驗直達神級的Bob，原來亦偶有失手，他自責曾因記漏資料而勁尷尬，「有次簽完字我請老爺奶奶、外父外母上台，我猛問外父喺邊，跟住新娘子話『咪話咗你知爸爸唔喺度嘅』，我即刻嚇到標晒冷汗！」他再爆另一單是「好心做壞事」，「嗰次又係請晒四個（指雙方家長）上台，我話『既然咁開心，不如三pair一齊錫錫』，原來我唔記得其中一pair係分開咗，然後佢哋好尷尬咁望住我。」

林盛斌老婆單拖帶子女加拿大度假 Bob與另一女性長期獨處一室【下一頁】

當然主持婚宴最開心是見證到感動的一刻，Bob話：「其實婚禮最緊要係致辭，陳家樂同連詩雅嘅致詞就好感動喇，喺多謝屋企人時，家樂講番啱啱出嚟做藝人，未搵到咩錢，當時阿爸喺佢唔為意時偷偷地塞錢落佢度，佢一講就喊，連詩雅喊，下面阿爸嗰圍喊，連楊受成博士都忍唔住喊。因為一定有啲人由細湊到你大，佢哋就係等緊呢一句多謝。」他聲稱已向仔女表明將來結婚，他們必須要至少預備三分鐘致詞多謝他和老婆Pearl，「一年總有幾個婚禮我會忍唔住眼濕濕，尤其係新娘子講多謝爸爸嗰啲，我個人狀態係去咗落個外父度。」

（↓點擊放大睇圖片↓）

Bob在節目內更遭玲玲姐幕後大逼供，要他講出做婚禮司儀的「最高叫價」，見到鏡頭打出幾個銀碼給他選擇，包括「88888.8」、「128萬」、「18萬」、「友情價8000得唔得？」及「188888.8！」，Bob就一臉尷尬望住呢堆數字，最終他會點回應，大家就要留意明晚節目播出！

撰文：娛樂姐

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】