林盛斌「撮合」成功拯救兩間餐廳 曾被嘲食廉價鐵板餐：係唔關錢事

有娛樂圈「金牌媒人」之稱嘅林盛斌（Bob）替好友朱慧敏、張秀文等搵到合適對象，Bob同時都非常有生意頭腦，日前就將自己呢兩樣「天賦」結合，成功「撮合」兩間餐廳，拯救日漸消失嘅懷舊鐵板餐餐廳人情味。

同場加映：

法言人丨容天佑兒時跨境上課無阻刻苦練功 望拍劇有用武之地：我好想打

{{hket:ul-video id="8122"}}{{/hket:ul-video}}

Bob日前於社交平台上發表長文，一向識飲識食嘅佢講到自己最鍾意去懷舊港式鐵板餐餐廳，食嘅相信係好多香港人都有共鳴嘅「情懷」，表示：「記得細細個嗰陣，屋企冇乜錢，最開心就係生日或者聖誕節，阿爸阿媽就會帶我同細佬去食鐵板餐，見到啲黑椒汁『咋』落去嗰塊鐵板度，我咁講可能係係有少少變態嘅，真係有一種講不出的快感。」

{{hket:inline-image name="111.JPG"}}{{/hket:inline-image}}

佢仲話到而家都會一家大細間唔中去某一間鐵板餐餐廳，家人同樣好開心同好滿足，阿Bob相當欣賞呢類餐廳抵食夾大件，同佢兒時回憶中一樣環境暗暗地，以及餐廳好有人情味仲係家庭式作業，非常溫馨。

Bob近年密密搵真銀生活亦過得越來越富貴，佢同人講好鍾意食呢啲鐵板餐，但就得到人哋話佢「唔識食」嘅回應，Bob一於少理，「最好嘅方法就係笑笑口話：『係呀，你啱。』其實心入面嘅對白係：『識乜春吖你！』講真，今日，幾貴嘅嘢，我都勉強食得起，但係，有啲感覺，有啲情懷，係唔關錢事。」

然而幾個月前鐵板餐餐廳「事頭婆」同Bob講佢哋即將唔做，因為加租加得太犀利。Bob利用自己人脈，「撮合」佢同另一間老香港式裝修嘅餐廳，輾轉之下該餐廳老闆決定聘請「事頭婆」嘅班底，甚至改用其鐵板餐餐廳之店名，而新舖同舊舖只係相距1分鐘步行距離。唔少網民都大讚Bob好有心，又欣賞佢搵到錢都唔會「囂屎」，有網民說︰「畀Bob一講完就好想去試呢類鐵板餐餐廳，畀佢植入廣告sell到！」

撰文︰娛樂組