東張西望丨區永權報完《東張》照被空降螺絲批 「我冇興趣做高空擲物界KOL」

《東張西望》主持區永權多年來深受鄰居高空擲物的困擾，過往曾多次在IG分享他在屋企露台發現到的異物，當中包括雨傘、吸塵機喉管、玻璃碎、生牛肉等等，非常騎呢！不少網友都留言叫區永權報《東張》，最終他今年6月再發生空降雜物之時，就接受《東張》訪問講解事件，及後的確風平浪靜......但經過大約兩個月時間，惡劣情況又再故態復萌。

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

東張西望丨區永權能醫不自醫遭高空擲物報警 露台再有十幾粒玻璃粒從天而降【下一頁】

{{hket:inline-image name="368317782_18379166914000079_6944210092330309241_n.jpg"}}{{/hket:inline-image}}

{{hket:inline-image name="47689909_2280020858945065_8729647721132876441_n.jpg"}}{{/hket:inline-image}}

{{hket:inline-image name="313900955_.jpg"}}{{/hket:inline-image}}

今次一堆雜物空降，其中最誇張的竟有螺絲批，剛巧區永權的太太正準備吩咐外傭姐姐出露台收衫，若果時間點有任何差錯的話，後果實在難以估計。區永權撰長文內容如下：

我再重申一次，我並非「高空擲物界」KOL！敬請各鄰居或身處鄰居單位嘅人士，唔好再高空擲物！

正所謂：有得揀，邊個想咁慘？！正當區太準備叫姐姐出露台收衫之際，突然聽到露台傳出巨響，遙遠張望一下，發現又天降異物，分別有螺絲批、鐵圈、厚身金屬塊、螺絲釘，甚至Temple（ Tempo）紙巾！得來不易露台風平浪靜嘅日子，過咗兩個月咁就告吹，而今次仲要有螺絲批！

如果，你話我哋全家人好彩，大步檻過。我想講，今次高空擲物嘅人兄，同樣好彩，無傷到其他人，否則佢面對嘅後果以及刑罰，絕對唔輕！當然，事發一刻，立即通知管理處及馬上報警，報警之後嘅細節，我就不便交代！但我再重申一次：我並非「高空擲物界」KOL，亦都無興趣做！不論你有心或無意，唔好再騷擾我哋！儘管你喺露台清潔又好，裝修都好，務必吩咐各人兄小心處理物件或工具，切勿禍及無辜！

我希望，今次係最後一次控訴關於高空擲物嘅事！

完

蕭正楠區永權重返樂壇被潑冷水？ 伍仲衡搞笑：演戲同主持仲適合【下一頁】

不少網友都向區永權留言報以同情，「大拿拿幾千萬買間安樂窩，以為可以享受下，點知成日都擔驚受怕，其實都幾無奈，慘」、「唔明呢啲人有咩心態連螺絲批都可以掉落街」、「可否申請安裝天眼」、「報警都冇用？」、「似有人上面安裝中，跌落黎，上面有冇人換冷氣？問保安」、「呢次真係可以報警，因為上面有人搭棚」等等。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組