愛回家丨Elaine Andy成第四對被拆散情侶 李芷晴感可惜：感覺冇得番轉頭

《愛回家之開心速遞》再有情侶分手，繼Ivan（鄧永健飾）同May（趙希洛飾）、阿壯（焦浩軒飾）同Heidi（關嘉敏飾）、風少（陳浚霆飾）同熊心如（蘇韻姿飾）先後「被分手」後，昨晚一集連Andy（崔錦棠飾）由於保護女友Elaine（李芷晴飾）不力，加上呷醋兼講大話，最終Elaine正式提出分手，兩人感情線終要面對「掟煲」。

同場加映：寵愛Pet Pet丨阮政峰為冬甩配音衝破事業樽頸 唔急上位最重要學習：恰如其分

{{hket:ul-video id="8977"}}{{/hket:ul-video}}

愛回家丨許家傑緋聞人人稱羨嗌唔公平 李芷晴見鬼怕黑首映約「另一半」【下一頁】

{{hket:inline-image name="355415091_774223047531675_7986609936865811620_n.jpg"}}{{/hket:inline-image}}

{{hket:inline-image name="331005264_721172356216363_3306839560950502038_n.jpg"}}{{/hket:inline-image}}

{{hket:inline-image name="e5.jpg"}}{{/hket:inline-image}}

接龍又火燭，Andy逃生期間竟然漏低女友Elaine，Elaine不慎扭傷腳要男同事湯遠（楊明飾）勇救，隨後Andy擔心對方英雄救美會奪走芳心，加上趙虎（黃榮燊飾）助攻，所以用盡方法去誣蔑湯遠。Elaine得悉事實後，最終向Andy提出分手，更詳列對方的缺點大大多過優點，實在令Elaine氣難下。

以往有情侶分手，網友的反應都特別熱烈，今次同樣有不少的討論度，不過部分網友竟然舉腳贊成，「Andy都唔襯你」、「監製唔該搵個靚仔襯Elaine」、「係咪宋總監要求分手」、「呢對不嬲都唔襯！」等等。對於今次「分手」，李芷晴接受《晴報》電話訪問，她坦言大感可惜，「都有少少可惜嘅感覺，始終唔經唔覺Andy同Elaine已經一齊咗三年幾，係我入行以來第一次有感情線，真係經歷咗好多嘢，帶畀我好多好寶貴嘅經驗。當中有好多分分合合，但之前總係畀人一種耍花槍嘅感覺，今次嘅分手比之前幾次感覺更加認真，有種冇得番轉頭嘅感覺。」

李芷晴透露自己為今次分手戲，事前在屋企排練多次，正式拍攝時更因太投入搞到少少眼濕濕，「希望觀眾睇嘅時候都會睇到Elaine同平時嘅分別，希望大家會有種帶點惋惜嘅感覺。（會唔會趙虎同Andy再爭你？暫時好似係未有嘅，但希望編劇可以考慮下呢個方向，應該會幾有趣。」

愛回家丨許家傑被拍到與李芷晴拍拖睇戲 否認追求對方：只係普通朋友【下一頁】

李芷晴感激拍檔崔錦棠的照顧，「佢係一個好好嘅拍檔，有時拍攝上我有咩疑問都會問佢嘅意見，而且佢都好願意陪我排戲、對戲，睇下點樣嘅互動出嚟嘅效果會最好，冇Andy就冇而家角色咁立體嘅Elaine。不過我哋都講笑話雖然Andy係Elaine劇中嘅男朋友，但係我哋竟然係最少身體接觸，Elaine都有被KC同湯遠抱過，但同Andy劇中最多只係拖過手，連膊頭都冇掂過就要分手囉！」她笑言雖然Andy這個角色很多缺點，不明白為何Elaine不放棄，不過Andy的確很深愛Elaine，亦為Elaine慢慢進步，都算是不錯的男朋友。

{{hket:inline-image name="e7.jpg"}}{{/hket:inline-image}}

崔錦棠則表示對「分手」大感失望，「睇劇本個題目係『愛到盡頭』，我一睇都知道心知不妙，點知真係講我哋分手，的確難經營嘅，大家都稱呼我哋為美女與野獸組合，李芷晴而家都當紅小花，好多工作人員成日都講笑羨慕我可以同靚女演一對。Andy咁難得先有個咁好嘅女朋友，一定唔會咁易放棄啦，至於趙虎突然間殺出嚟話鍾意Elaine，我都唔知會唔會爭，睇編劇決定。」崔錦棠都為Andy同Elaine的故事計算日子，他特別剪接兩人的劇情發展片段，並IG留言說：「Elaine同Andy由第1037集開始，拍拖又甩拖，經歷558日，直至第1595集，正式認愛，認真發展，世事豈可盡如人意，445日之後，第2050集...愛到盡頭！大家覺得呢一對，有可能復合嗎？」

{{hket:inline-image name="327977476_1553166548496278_4827822237489325892_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組