在處境劇《愛回家之開心速遞》內飾演威龍百貨零售部Elaine的李芷晴，上月底跟何沛珈及陳懿德躋身《香港小姐再競選》最後三強，將於今晚（19日）無綫台慶夜分出勝負。日前她聯同余曉彤、李亦喬、許芯悅、吳紫韻及王虹茵，以接力形式參與「赤腳慈行」慈善籌款活動，期間獲劇中男友「Andy」崔錦棠同「威龍四小花」鍾晴、吳綺珊及楊家寶前來探班兼為她拉票，搞到她當場感動落淚。
同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪
{{hket:ul-video id="6993"}}{{/hket:ul-video}}
李芷晴在「赤腳慈行」中擔任第五棒，直播中見她第一日行至深水埗區時左腳腳板擦損，要停下來接受治療，為免傷口受感染而要貼上保護貼，她表示：「頭先行行吓，感覺到中間嚿骨有少少痛，都唔知道甩皮……體能上都叫OK，暫時都好精靈，其實好驚好早個人就跌Watt……冇事，大家放心！」
香港小姐再競選丨《東張西望》何沛珈陳懿德入三甲 與「升級」李芷晴台慶再爭冠軍【下一頁】
當工作人員為她清潔右腳時，發現有東西拮入腳趾，於是乎左右腳板皆要貼上保護貼。對於加上保護貼的感覺，她說：「一樣都感受到地面嘅感覺，行起嚟會冇咁拮，頭先一路行時隻腳可能出汗，就會黐到好多石仔，而家應該會好啲。」
《愛回家》Andy同Elaine拍拖戀情一集限定 51歲崔錦棠運動員出身Keep住Young【下一頁】
李芷晴和大隊稍為休息過後繼續行程，由深水埗行至尖沙咀碼頭時有驚喜出現，見到崔錦棠、鍾晴、吳綺珊及楊家寶等《愛回家》好友來探班，當中「男友」崔錦棠最為窩心，二話不說除下波鞋，跟李芷晴一同感受赤腳行的滋味，而楊家寶送上一早預備好的水果，讓她可以中途補充水分。期間崔錦棠又開Live為李芷晴拉票，叫大家支持她參加《香港小姐再競選》，令李芷晴感動得喜極而泣，她說：「諗住你哋多嘢做，就唔想打擾你哋，好多謝你哋嚟。」崔錦棠笑說：「你活動衝線時喊一次，19號晚攞冠軍再喊多次。」當場搞到李芷晴喊住話自己樣衰，崔錦棠就自豪話整到她喊，場面搞笑。
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="313086543_185984303994914_1217122126004083462_n.jpg"}}{{/hket:inline-image}}
「赤腳慈行」今次找來李芷晴等6位女藝人，連續6日5夜赤腳走遍全港17區，全程約220公里，目的是為了貧窮地區兒童籌募屬於他們的鞋，及為香港智障兒童籌款。連日來她們在網上分享完成行程的「黑腳板」，呼籲各界踴躍捐輸，李芷在IG表示：「終於都完成咗呢一個期待已久又緊張萬分嘅慈善活動，平時叫我着鞋行多一陣我都唔肯，點估到我會赤腳用13個鐘行咗40K，怕痛嘅我平時少少事都呱呱叫，原來赤腳行咁耐真係好痛好痛超級痛，完全靠耐力同堅持去完成。仲記得當初同身邊嘅屋企人同朋友講，我哋要赤腳行香港一圈嘅時候，大家都好驚訝同擔心，覺得平時少運動嘅我，體能上會應付唔到。但係最終竟然以最貼近原定時間，仲比幕後團隊們預計嘅時間早咗差唔多三個鐘到達，真係要讚下自己先得。」她更要多謝陪伴大家行足六日的Calvin Sir，知道對方同行當日已行至腳板佈滿血泡，每日要先行處理傷口才行到。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】