東張西望︳苦主簽收公屋發現係凶宅感受騙 冇睇清房署通知信 網友：大把人要

《東張西望》昨晚（16日）報道「苦候九年終獲派公屋 點知原來係凶宅？」，苦主黃女士日前收到房署通知信，獲派順利邨利業樓其中一間公屋，結果發生「羅生門」事件。黃女士聲稱多次追問上址是否凶宅，兩位房署職員先後回答不是凶宅，可是當完成簽租約等事宜後，才驚爆單位真的是凶宅。黃女士感到受欺騙，於是報《東張》尋求協助。

同場加映：寵愛Pet Pet丨何沛珈感激角色牽引走出喪母之痛 勤做主持演戲入屋：媽媽係我榜樣

{{hket:ul-video id="8916"}}{{/hket:ul-video}}

{{hket:inline-image name="08171003.jpg"}}{{/hket:inline-image}}

{{hket:inline-image name="08171002.jpg"}}{{/hket:inline-image}}

黃女士向《東張》主持人梁菁琳表示：「7月尾收到信話派順利邨利業樓，封信因為我係唔識睇，鄰居話係順利邨利業樓，咁我哋覺得近近哋幾好，因為劏房好擠迫，得100呎要住3個人，諗住近近哋、心急嗱嗱聲嚟睇。上去睇樓覺得左鄰右里啲樓好舊，嗰個單位就有啲新。我覺得有啲可疑，我就問帶我哋睇樓嘅保安何生，『呢間係唔係凶宅嚟㗎？』，何生就話『唔係，冇啲咁嘅事。』，我問咗何生3次都話唔係，咁我哋就落樓簽合約、交租金同按金。」

東張西望｜何沛珈跟進僭建「兵器庫」身手敏捷 爆料後政府極速清場街坊大讚【下一頁】

黃女士指她之後在辦事處跟房屋署職員黃生填表，過程中有再問單位是否凶宅，黃生同樣話唔係，表示如果是凶宅信會有寫，「整好晒我哋就返屋企，啱開門佢就打電話嚟，話畀我哋聽嗰間係凶宅。咁我就即刻話『凶宅我哋唔要，點解當時問幾次你哋係咪凶宅都話唔係？分明係欺騙呃我哋小市民。』，佢叫我拎番晒鎖匙同收據畀番佢，其他再慢慢搞。」可是經過一段時間仍未收到通知，黃女士於是去樂富房署總部了解，最終再回到順利邨查詢，「嗰個黃主任話得兩個選擇，一係要呢個單位，一係重新排過…我等咗公屋已等咗9年，你又叫我重新去輪候，問任何一個市民都唔接受呢個答案。」

東張西望丨防漏工程騙局苦主被硬屈5萬 內地男斷正扮傻 網友：專才定黑工？【下一頁】

《東張》於是陪同黃女士去順利邨物業服務辦事處質詢，黃女士表示：「點解我三番四次問你哋係唔係凶宅，你哋職員都話唔係呢？」黃生答：「如果封信有特別寫明就係，冇就唔係！」黃女士話：「冇呀，睇唔到，於是信以為真。」後來黃女士拿出房署的配房通知信，發現內文附頁已列明「*單位內曾發生自殺/意外死亡事件，該事件約於2022年09月發生。」至於黃女士為何收信後又睇唔到，她話：「黃生打電話嚟之後，我就畀封信阿女睇，佢話『媽咪，原來封信上面有寫。』，首先我覺得自己錯冇睇信，但我唔識睇、唔識嗰啲字，唔知道入面有信同有表要填，我真係唔知，」

東張西望丨港婦大義滅親指前夫性侵兩女兒 靠錄音揭發事件 高調報警求助【下一頁】

對於這次「羅生門」事件，雙方似乎存在問題。至於已簽收的黃女士有何對策，她說：「樂富房屋署嗰邊要17號之後，然後再約時間睇吓點辦，現時嘅單位仲係屬於我嘅，但係我唔要呢個單位。」

（↓點擊放大睇圖片↓）

網友們對此事作出討論：「自己無睇清楚啲文件，可以怪邊個，完全係自己責任啦」、「自己唔睇，又有仔女，都唔睇清，唔好怨人啦。房署當值主任故意隱瞞都是錯，但自己要負主要責任」、「保安人手經常轉換，不知道是凶宅也不出奇。辦事處要求保安帶人睇樓本身就有問題。但公屋租戶個個扮不識字也是大問題」、「有好多人想要間屋都難。有配已經好幸福」、「政府公函，你唔睇清楚。就算你唔識，你又唔叫你個女睇清楚！白紙黑字，房署已做足，其他誤會，只係次要」及「幾多人仲住緊貴價100呎嘅房，有配到咪好，仲嫌三嫌四，而家邊度無死過人㗎」等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】