東張西望丨實習生憶遭老闆性騷擾經過爆喊 李旻芳強忍淚水：感受佢哋無力感

《東張西望》昨晚報道有女大學生在實習期間獲受聘到一家海外升學的中介公司工作，期間不斷遭老闆性騷擾，最可怕的是原來受害人不止一名，她們得悉大家的情況後，決定站出來公開事件，希望不要再有人因而受害。單是《東張西望》訪問到的都已經多達五位女生，其中一名化名Chloe的女生，情況最為嚴重，訪問期間喊到崩潰，連主持人李旻芳都忍不住眼濕濕。

同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

東張西望丨台飲店屢次發生非禮女員工事件 受害者被摸屁股撞胸 對方奸笑扮傻【下一頁】

{{hket:inline-image name="lucy1.jpg"}}{{/hket:inline-image}}

今次受訪的女同學之中，大部分都是透過學校工作網找到相關工作，主力做調查或者辦公室助理，據女同學指該公司有三家，一間做寵物移民、一間做海外升學，另一間就做相睇，但她們分別遭受到老闆的無禮對待，所以工作幾日至不足一個月就離職。其中Chloe的情況最瘋狂，明明5月生日，老闆借生日為由4月慶祝，又不斷傳短訊向Chloe分享他的生活照，追問Chloe的感情狀況，雖然Chloe早就表明享受單身，但老闆仍然不斷纏繞對方，讚對方是女神，在辦公室強吻Chloe，又用不同名義約Chloe出外，夾硬當Chloe是女朋友看待。

Chloe重提自己被強吻的過程，一度情緒激動，「佢教我做嘢冇啦啦拉低我口罩錫我，我覺得好核突、好污糟，當時我唔知應該做咩好，我好驚講唔到嘢。我過咗一陣先反應到，我問佢點解咁做，佢話佢衝動，之後我衝入廁所抹嘴，就諗點返去，好核突呀！」當時李旻芳即時遞上紙巾，並輕輕拍膊頭安撫Chloe，但見到崩潰的Chloe，李旻芳都忍不住眼濕濕，但她仍然保持專業，強忍淚水繼續訪問。

東張西望丨報道元嶺村收過路費糾紛被兇 李旻芳超淡定勸解：其實驚到手震【下一頁】

{{hket:inline-image name="lucy10.jpg"}}{{/hket:inline-image}}

{{hket:inline-image name="lucy7.jpg"}}{{/hket:inline-image}}

{{hket:inline-image name="lucy6.jpg"}}{{/hket:inline-image}}

Chloe及多名受害者的訪問今晚待續，原來該老闆將對待Chloe的招數今年重施故技，多名女學生都不憤該等行為，報《東張》公開事件。提到訪問期間眼濕濕，李旻芳接受《晴報》電話訪問，她表示：「由細到大都不時聽到不同嘅性騷擾嘅事件，都好同情被性騷擾嘅受害者，但終於覺得事件離自己好遠，所以感受無咁強烈，真係當睇新聞咁睇，但係今次訪問呢幾位年青女同學，面對面咁同我講被騷擾嘅事發經過嘅時候，當你真真實實確確切切咁親耳聽到對方嘅當時慘痛嘅經歷，我係真係好心痛，身同感受一樣。好心痛點解社會會發生呢啲事，好心痛同學當時好無助，好似個人肉公仔咁任由擺佈，好心痛呢件事件雖然已經過去咗，但係留喺佢心入面嘅陰影就一直跟住佢。就算事隔咁耐，每次一提起事件同學都係好激動，喊得好歇斯底里，完全感受到對方嘅無力感。聽到咁嘅遭遇，人非草木，誰能無情，其實當時我都好盡力嘗試去控制自己嘅情緒，但都忍唔住眼濕濕。」

{{hket:inline-image name="lucy2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組