何超儀的老公陳子聰早前被爆大病而深居簡出,超儀在公開活動坦誠子聰患病正在康復中,未來仍需要接受手術治療,令人非常擔心。何超儀近日接受鄭裕玲(Do姐)網台訪問,首次詳盡談及老公病發和治療過程的內容,透露現時子聰仍靠造口大小便,期待往後手術能夠令他重拾自由,可以如常生活。何超儀坦言今次受訪,主要是希望透露子聰的情況,提醒大家要留意這個「隱形殺手」,多檢查身體。
同場加映:寵愛Pet Pet丨何沛珈感激角色牽引走出喪母之痛 勤做主持演戲入屋:媽媽係我榜樣
老公陳子聰曾傳重病纏身深居簡出 何超儀指其身體虛弱病情好「棘」【下一頁】
何超儀指今次陳子聰大動脈爆裂是導火線,影響全身的器官,「呢個病係冇乜人留意,絕對係一個隱形殺手,但身體檢查係可以知道。」她透露子聰2016年患過肝硬化和直腸炎,幸好及早發現,很快就適當醫治處理好,當時長期留醫吊鹽水無法進食,所以身材變瘦如骷髏骨頭,被傳媒影到後令人大為震驚。她表示:「其實當時佢已經開過肚,醫得好之後變番好靚仔,仲自覺想戒煙、多游水,但太遲喇!佢以前係煙剷、煙囪,係煙駁煙嗰種,呢個係好唔好習慣。我食煙,但我唔會咁樣食法,話佢唔聽。醫生叫佢食素、戒煙、戒咖啡因、油膩嘢之類,佢戒唔夠一個月又開始食番,食得唔健康。」
直至去年2022年10月5日子聰返澳洲探親,期間他為父母搬大型傢俬,當時超儀跟老公視像通電話已經覺得他不太委當,「佢好似冇晒力咁,話自己好似整親盆骨,後來痛楚上腰,我仲叫佢返香港睇醫生,見佢面色唔好,又灰又黃又粉紅....一撻撻色咁!」子聰本身三高,雖然自己身體不舒服,仍堅持開車車朋友去醫院,沒想到自己開車期間肚痛到不得了,一泊好車就暈倒被送入急症室,證實大動脈爆裂要緊急接受手術。
超儀表示由於大動脈爆開,子聰整個肚及器官都浴血,所以醫生為他以膠管取替大動脈之餘,更要將不同的器官取出再清除血塊,期間將尿道同腎臟整壞,所以被判定一輩子都要靠造口排大小二便和洗腎。「醫生都唔想,因為好急要救命先,由於佢全身插滿喉管,個肚有風,脹到好似懷孕九個月咁。好多器官都插住喉管,小便全部都係血,醫生話每日要輸十幾包血畀佢!」她表示探望老公時見他的雙腳發紫,在香港醫生的提醒下,擔心四肢會壞死被截肢,於是每天用體溫去暖住老公的雙腳。
何超儀三層獨立屋充滿歐陸風格 大廳擺放超多巨型點唱機「玩味濃」【下一頁】
超儀透露子聰最終昏迷差不多一個月零一個星期才正式醒來,更指他見到巨肚就已經大喊,「由於尿道壞咗,加上佢條腸剪過變得太短,所以醫生話可能一世都要洗腎同靠造口大小便。加上有大血塊壓住佢,醫生唔太敢幫佢做尿道手術。佢當時已經有抑鬱,因為只係以為肚痛,點知一醒就變成科學怪人咁。」超儀表示自己每天都鼓勵老公,跟他講「BB話」,被Do姐大讚她堅強,她說:「出事時我第一時間打畀家姐,佢叫我去到醫院莊重啲,因為驚我發癲,人在異地會真係被誤以為係癲婆,所以我好冷靜!」
超儀表示在澳門逗留兩個月時間,連結婚19周年紀念都在當地度過,後來決定坐醫療專機返港,幸好子聰為返港都非常配合,成功企起身又訓練自己呼吸,才順利安排他返港繼續治療。超儀說:「佢喺瑪麗醫院都住咗個幾月,而家最想係佢做番個自由人,唔好再孭住任何造口袋,可以靠自己大小便。」她透露困難是大動脈仍有位置裂開,因為正常人2至3cm闊的動脈,漲大到變7.1cm,現時成為「計時炸彈」,但一定要改善好排便系統,才能夠再做手術醫大動脈,否則好容易腹膜炎。幸好超儀找到美國權威醫院成功為子聰置入支架,預計十個月後可以再做手術重建尿道,再醫好動脈撕裂的位置,就可以重新造人,現時超儀盡量不接拍電影,只等早前拍好的作品上畫,全心全意照顧老公。
Do姐透過電話問候陳子聰,陳子聰感激超儀的照顧:「佢咁照顧我,我自己都感動,因為佢日日睇住我,跟醫生討論點醫我,幫我康復,成件事唔係咁簡單。我真係好彩,今次之後更加珍惜人生,好感謝身邊嘅人,生命好重要,有咩唔開心嘢,你一定可以應付,如果你經歷我呢啲情況,你就知生命好重要!所以新年成日祝大家身體健康,真係最重要。」而Do姐為子聰打氣:「今次一定得,手術一定成功!」並為超儀送上擁抱鼓勵。
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:娛樂組