奇異小姐｜陳泳伽Winka@COLLAR出Solo講追夢 曾因聲帶受傷受挫：要半年時間先好番

繼三月推出個人單曲《一手造成》後，女團COLLAR成員Winka（陳泳伽），昨日再度推出新歌《奇異小姐》，新歌不再談情，是勵志為題講「追夢」，無論遇上多少挫敗也好，只要堅持着，不斷嘗試，終歸可以達成目標，就如Winka的音樂路一樣，經常遇上挫敗，她依然屢敗屢戰，勇往直前。

同場加映：

獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

新歌《奇異小姐》MV內容，是有關一名戲劇演員的故事，從而帶出永不放棄地達到目的。Winka表示：「面對自己追求嘅嘢，好多時喺過程都會遇上挫敗，可能因為不成熟，或者未有經驗，所以距離成功好遠；只要堅持，就算帶儍氣，亦會有人識得欣賞。」

{{hket:inline-image name="6674.jpeg"}}{{/hket:inline-image}}

提起挫敗，Winka自言常常遇到：「可能我對自己要求比較高，亦希望身邊嘅人會鍾意自己嘅音樂作品，好多時都覺得自己做得唔夠好，而有挫敗感。」音樂路上，Winka最大一次挫敗，莫過於聲帶受傷，謂：「曾經因為聲帶受傷而唱唔到高音，嗰陣時嘅我要逐個Key去練習，差唔多花超過半年時間先練番以前嘅聲線。而呢件事對於新歌《奇異小姐》，係好大啟發，遇到挫敗，唔好放棄呀，搵出適合方法，加一點時間去重拾步伐。我相信努力唔會白費，上天、身邊人一定會睇到！」

此外，問到Winka剛完成團歌《idc》後，緊接便推出個人歌曲《奇異小姐》，壓力是否十分巨大？Winka：「創作團歌好開心，可以話係期待已久，唔覺得有壓力，呢段時間推出團歌再加自己歌，成件事感覺好圓滿。」續指今年會推出四首單飛歌曲，餘下的兩首歌，她嘗試曲風多元，有別以往作品，籲樂迷拭目以待。

COLLAR各自面對8-1 沉澱後再出發 首度出埠Ivy做貼心「家傭」幫手洗衫【下一頁】

撰文：娛樂組