陳詩欣蔡嘉欣齊被指貪錢怒反擊 粉絲不滿何依婷被「拜金女」污染

唔少明星同KOL都被電影《Barbie芭比》熱潮「燒到」，大家除咗玩filter之外，唔少女生都會以粉紅色造型示人緊貼番個潮流。日前，TVB小花陳詩欣、何依婷（Regina）、鍾晴以及已經離巢嘅蔡嘉欣齊齊化身成Barbie出巡並分享行「catwalk」影片，不過估唔到片段竟然引嚟網民謾罵，陳詩欣同蔡嘉欣更加係首當其衝，令到二人都忍唔住反擊。

同場加映：獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

本來條片就非常賞心悅目，四位美女陳詩欣、何依婷、鍾晴以及蔡嘉欣大曬美腿行貓步，仲笑得好開心下，不過就有網民先攻擊蔡嘉欣，留言：「我唔喜歡嘉欣她帶壞詩欣離開TVB，自己拜金就好啦要人跟佢走。」之後又有何依婷粉絲出言攻擊晒全部人：「本身幾鍾意你（何依婷），又靚又叻又純，點知原來你同呢班拜金女咁friend，真係形象byebye。」

{{hket:inline-image name="34.JPG"}}{{/hket:inline-image}}

蔡嘉欣不甘示弱，撐佢嘅其他姊妹，攬晒上身：「你咩事呀？不嬲都係我自己拜金㗎啦 ! 你點解覺得我哋一齊拍個片就認定佢哋都拜金呀！離唔離開TVB又關我事？我帶壞人哋呀？吓？」、「吓？因為同我哋做朋友就唔鍾意Regina啦？唉，傷心 !」陳詩欣都幫口：「我未離開TVB呀，無畀人帶壞呀。」而唔少網民都撐佢哋自己有正當職業，冇偷冇搶去買名牌，唔存在貪人錢嘅問題；不過就有人留言攻擊埋陳詩欣老公：「陳詩欣係嫁完矮仔先富貴狂買名牌，叫唔叫自己賺？」陳詩欣都忍唔住嬲嬲哋反擊：「你都幾好笑，我有搵錢唔通我攞個戶口畀你睇呀？重點我老公買畀我又有啲咩問題呀？又唔係呃又唔係搶又唔係偷，同埋若果你真係好唔想睇到我哋，唔該block咗我哋啦。」

蔡嘉欣事後特登打長文，再講佢多年來「拜金」嘅原因，亦表達覺得「拜金」並不可恥：「關於拜金一說！我從來都承認我拜金！我由18歲創業開始，發現樣樣都係錢。租間舖、地區、大小、甚至連高層定低層...樣樣都係錢。將生活標準同質素全部量化，就係錢一一所以我好早，由18歲開始已深知，想要更好的東西，只能搵多啲錢。所以過去11年，我一直堅持自己的事業，一來我熱愛工作，如果我停下來，我無所事事，我覺得好悶，不有趣！二來，做了很多年，我有責任要繼續搵錢，因為我要養員工，我都希望佢哋生活質素能一起提升，所以對我來說，拜金好重要，因為拜金，我才有動力繼續努力工作。當然生活質素可取捨，注重生活質素的金牛座，喜歡吃fine dining，但我同時都覺得一碗譚仔超美味；我同樣會因為食咗一個10蚊的菠蘿油而無比快樂。我鍾意買嘢扮靚靚、我想去旅行可以住靚靚酒店，而擁有這些東西的代價是我必需要堅持和努力我的事業。好多只睇新聞而認識我的普羅大眾，只見我吃喝玩樂而不知我實質上都跟大家一樣要返工，唔緊要，但我想勇敢、真實地同大家說，係呀我係拜金，但我拜金得起，拜金的我以後會繼續為了提升我生活質素而努力工作！新時代女性們，誰和我一樣拜金？ 勇敢說出來！」

圖片來源：Instagram