何沛珈入行短短兩年成功「入屋」，在新劇《寵愛Pet Pet》中有不少發揮的機會，作為戲劇新丁的她，就算怕動物都硬著頭皮迎戰。《香港小姐再競選》奪冠讓沛珈終能為亡母圓夢，加上開劇時得到演員們的愛錫和照顧，感受到眾人像大家庭般的溫暖，以減輕喪母之痛。沛珈向媽媽承諾一定會以她為榜樣，繼續努力在舞台上發光發亮。
何沛珈在《寵愛Pet Pet》飾演傻氣女護士，為食又八卦，又非常可愛。她笑言︰「其實拍攝之前，我驚動物，監製問到，我梗係話唔驚！拍完嘞，而家好好多，起碼夠勇氣去摸佢哋，但有種動物仍然未敢掂，就係蛇！」仍然是拍劇新手，面對這樣多的戲份和對白，沛珈直認經驗不足，有待進步，「其實有一場戲令我好內疚，嬲自己點解唔繼續演落去？就係我同周嘉洛嘅對手戲，劇情講我好為食，叫到滿枱都係嘢食，點知正式拍攝嗰陣我一邊講對白一邊噴飯！當時我即刻道歉，講對唔住...點知之後，導演話噴住飯可以繼續講對白，效果仲好。學識咗，有時喜劇火花係即興撞出嚟！」
寵愛PetPet丨何沛珈演傻氣護士夠自然獲讚 驚喜收蛋糕慶祝生日爆喊因為...【下一頁】
{{hket:inline-image name="DSC02233.jpg"}}{{/hket:inline-image}}
{{hket:inline-image name="DSC02224.jpg"}}{{/hket:inline-image}}
何沛珈甫入行，便是加入《東張西望》擔任外景主持，火速「升呢」做廠景主持人，有輕微懶音的她受到不少網友的批評，她找老師學發音，嘴巴含住紅酒酒塞練習咬字，將勤補拙；後來她以出色的口才於《香港小姐再競選》問答環節中，得到評判一致好評及高分數，最終得到冠軍寶座。
她不諱言，做主持人、演戲都是「初哥」，希望將來兩方面並駕齊驅，「我好感激《愛回家之開心速遞》Luna呢個角色，令我更加『入屋』。加入《東張西望》兩年，觀眾未必知道我有做主持，反而行街有途人認出我，叫我Luna！呢個角色令人更加認識我。」同時希望未來可以接觸更多司儀工作，另一方面拍劇過戲癮，「演戲可以令自己更加放鬆去表達情感，有時候喺屋企一個人，夜闌人靜，會收埋失落傷心嘅一面，演戲可以畀我將呢啲情緒釋放出嚟！」
東張西望｜何沛珈跟進僭建「兵器庫」身手敏捷 爆料後政府極速清場街坊大讚【下一頁】
{{hket:inline-image name="sai7_600_600.jpg"}}{{/hket:inline-image}}
{{hket:inline-image name="DSC02204.jpg"}}{{/hket:inline-image}}
{{hket:inline-image name="DSC02215.jpg"}}{{/hket:inline-image}}
{{hket:inline-image name="DSC02210.jpg"}}{{/hket:inline-image}}
{{hket:inline-image name="DSC02202.jpg"}}{{/hket:inline-image}}
{{hket:inline-image name="DSC02180.jpg"}}{{/hket:inline-image}}
何沛珈的媽媽在女兒加入娛樂圈初期不幸離世，年紀輕輕就要經歷失去摰親之痛，她坦言有段時間沉溺在傷痛之中，未能振作起來，「媽媽離世，我失落咗一段長時間，感激監製陳耀全畀我《寵愛Pet Pet》謝嘉嘉呢個角色，演呢個人物令我開朗咗唔少，拍劇令我度過咗最大壓力、最辛苦嘅時期。仲記得《香港小姐再競選》之後，我攞住獎品去媽媽靈位張相前，同佢講『終於完成你一個心願，你唔使擔心，因為太多人愛錫你個女』！」
她也明白到，並非每個人都可以永遠陪伴在自己身邊，她相信時間會治癒傷痛，並鼓勵大家抖擻精神，面對生活變化，「佢哋唔會希望你繼續消沉落去，所以要更加努力為自己未來著想，佢哋一定想見到你好，見到你喺舞台上發光發亮，而唔係沉溺喺失去嘅痛苦當中。我媽媽係個努力上進而且好有事業心嘅女性，見證佢嘅努力，我以佢為榜樣，希望自己都一樣可以做到！」
化妝：Lok Wai（@waito.makeup）
髮型：Masa Chan（@msc_infinity）
服裝：@snidelhk @usagionline_hk
造型：Lok Lam（@loklammm_）
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：楊安莉
攝影：黃敬博、何家賢