寵愛Pet Pet︳李君妍爆喊戲多得周嘉洛帶入戲 感激監製畀機會發掘另一面

由周嘉洛及林夏薇等合演劇集《寵愛Pet Pet》，昨晚（9日）劇情講到主角順利查出毒狗案的Big Boss，原來就是李君妍飾演的唐利華，當被發現是殺狗兇手後，利華一度發難用𠝹刀襲擊汪聲仁（周嘉洛 飾）和Paula（林夏薇 飾），混亂中Paula更被劃傷了手，幸好警察及時趕到解圍。事後利華講出四出放毒罐頭原因，皆是因其愛犬晴晴曾被流浪狗咬傷，晴晴後來透過汪聲仁向主人剖白，當日是因自己百厭才被咬傷，更曾吃下毒罐頭試圖阻止利華再傷害其他狗狗，利華知道真相後崩潰爆喊。

同場加映：演唱會完騷丨姜濤聽偶像小豬話完騷唔打邊爐 爆褲管內包晒繃帶免傷舊患

{{hket:ul-video id="8878"}}{{/hket:ul-video}}

{{hket:inline-image name="T01.jpg"}}{{/hket:inline-image}}

{{hket:inline-image name="T21.jpg"}}{{/hket:inline-image}}

{{hket:inline-image name="T18.jpg"}}{{/hket:inline-image}}

李君妍稱今次飾演毒狗兇手，事前花了不少準備功夫，沒有養過小動物的她要靠幻想才能代入角色，「我將狗狗轉化為親人咁去幻想，好彩劇入面有啲我同狗狗互動嘅Flash Back場口，變相之後嘅喊戲我可以諗番個畫面去入戲。」她更指爆喊戲多得周嘉洛幫忙帶入戲，「鏡頭Take我反應時，佢負責講對白，就算鏡頭影唔到佢，佢都會好有感情咁去講，而唔係好Hea咁，咁樣出嚟效果會好大分別，佢係一個好好嘅對手。」

寵愛Pet Pet︳林夏薇周嘉洛靠金毛犬譜姊弟戀 嚴選五大無綫寵物電視劇集【下一頁】

提到用𠝹刀跟主角對峙場口，李君妍話：「同薇薇好耐之前已經合作過，大家都好Friend，拍攝前大家都練習咗好多次確保安全，因為我哋都好信任大家，所以都好放膽去做嗰啲動作。其實拍呢場戲時其實好熱，加上我全身着晒黑色嘅衫，喺山頂上又冇瓦遮頭，係冒住中暑危機去拍呢場戲。」

（↓點擊放大睇圖片↓）

對於不少網友大讚靚女，李君妍笑說：「好多謝大家嘅稱讚，證明我好勤力咁保養係冇白費。其實除咗靚之外，我都希望觀眾留意到我飾演嘅角色，係花咗唔少心思同努力。監製Andy睇到我另外嘅一面，係我自己都睇唔到嘅，好多謝佢畀機會同相信我係做得到，原來佢係好留意每一個演員。我之後拍咗幾套劇都係未試過嘅角色，希望大家繼續留意我嘅演出。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】