何超蓮推薦「從小用到大」好物 網民呻買唔起：她用的都是最先進

已故賭王何鴻燊三房千金何超蓮含住金鎖匙出世，雖然佢平日都表現得比一般富豪貼地，不過都仍然收唔埋佢嘅「貴格」。 日前佢喺抖音同大家推介一樣佢由細用到大嘅好物，但有唔少內地網民出嚟話買唔起。

同場加映：獨腳絲打噏丨蝦頭經歷疫情移民潮唔想再等 爆感情黑歷史：自嘲代表脫離悲痛

{{hket:ul-video id="8912"}}{{/hket:ul-video}}

何超蓮喺內地參加咗唔少綜藝節目，因此人氣非常高，佢非凡嘅背景再加上標青外形，一舉手一投足都會成為焦點。日前佢就喺抖音分享自己非常推薦一樣送禮自用嘅日常用品，就係電動牙刷。片中佢提到自己由細用到大都係同一個牌子，又喺素顏下親身示範使用，逐個功能講解，非常引人入勝。

{{hket:inline-image name="364237974_18376843876063922_1105134408482078036_n.jpg"}}{{/hket:inline-image}}

不過，唔少內地網呢睇完都話買唔起，留言：「搜了一下要2千多，咱也不是這種家庭呀。」、「她推薦的東西對於普通人來說貴的。幾千塊在她那裏就相當於我們的幾塊錢。」、「也有比較便宜的，但她用的都是最先進。」唔少人都認為草根階層只需要基本清潔做好就好，唔使用斥巨資去追趕呢啲科技產品。

而另一個討論焦點，就係大家都疑惑佢係咪「打廣告」，唔少人都覺得「千金用的東西就是吸引」，又有人認為以超蓮嘅富有程度，根本唔使賣廣告：「如果我是廣告商都不知道要開價多少。」

圖片來源：INSTAGRAM