郭富城為老婆慶生水族館「共舞」 內地網民柯南上身：方媛眼神變了

天王郭富城被細佢22年嘅方媛收伏，2017年奉女成婚，同年誕下大女大寶，相隔唔夠兩年再誕下細女二寶。多年來，郭富城對家庭同感情生活都好低調，不過近年作風唔同晒，今日主動喺社交平台大方分享為老婆慶祝36歲生日嘅相，仲公開兩個寶貝女正面，不過咁甜蜜嘅「愛的紀錄」就引來內地部份網民「酸爆」留言。

同場加映：

前無綫新聞主播丨麥詩敏報新聞嚴肅樣嚇窒大家 曾遇低潮感激爸爸麥振江陪伴成長

{{hket:ul-video id="8866"}}{{/hket:ul-video}}

57歲城城日前同太太，以及兩個囡囡去到上海慶祝生日，城城post多張同老婆嘅sweet爆合照，於帖文中寫道：「親愛的老婆，生日快樂，與你共舞。」除咗有例牌頭貼頭合照外，城城仲喺水族箱前擺晒pose，同方媛做一個一人一半嘅畀心動作，呢個行為好青春呀！另一張相就見到Chantelle同4歲妹妹Charlotte學媽咪，瞇眼合十喺生日蛋糕前誠心許願，郭富城就充滿父愛咁望實細女，畫面溫馨。

{{hket:inline-image name="3.jpg"}}{{/hket:inline-image}}

方媛都有喺微博轉發帖文，留言表示感恩：「謝謝老公，有你們每天都很快樂。」唔少網民都留言送祝福：「好幸福，越來越美」、「全家靚基因」。不過都有內地網民柯南上身留言：「感覺方媛眼神變了」、「方媛怎麼都不笑」、「只有鮮花和蛋糕，並沒有禮物，我不開心」、「感覺眼神有點敷衍，沒有感情但要裝的那種」。

有好多網友反駁呢班「酸民」：「怎麼就見不得人好」、「只要是結了婚的都要被你們就成這樣」、「幾張照片能證明甚麼？你們是睡在別人床底」。幸好方媛心情都冇受影響，仲同大家分享呢次生日之旅，主要去小朋友想玩嘅地方。

撰文︰娛樂組

圖片來源：Instagram