演唱會尾場丨姜濤聽偶像小豬話完騷唔打邊爐 爆褲管內包晒繃帶免傷舊患

MIRROR成員姜濤一連四場《KEUNG TO "WAVES" IN MY SIGHT SOLO CONCERT 2023》演唱會圓滿結束，完騷後，姜濤接受訪問，原來揚言完騷之後要打邊爐的他竟然反口，他說：「小豬頭先叫我唔打邊爐，咁我就唔打邊爐，佢講咩我都聽，（食少啲？）好啦，兩啖，食少啲！其實我而家都冇乜力，唔想食嘢，想瞓覺多啲，仲未約（小豬）食飯，知佢好趕，今日下晝先嚟，我都唔知佢之後行程係點。」他表示經大家提醒會盡快約他食飯答謝對方。

{{hket:ul-video id="8878"}}{{/hket:ul-video}}

姜濤演唱會邀偶像羅志祥做嘉賓 入行努力目標：為了跟他同台表演【下一頁】

{{hket:inline-image name="DSC_5348.JPG"}}{{/hket:inline-image}}

{{hket:inline-image name="DSC_5342.JPG"}}{{/hket:inline-image}}

姜濤表示跟小豬合唱的兩首歌都別具意義，第一首《No Joke》是他第一次開演唱會時所選的歌，第二首《夠了》是兩人今年年初面對外界聲音時覺得歌詞特別點中心中感受。「好夢幻，其實演唱會係我其中一個夢想，同佢表演係另一個夢想，今日實現晒，真係好開心！」提到其他嘉賓，姜濤認為林海峰的來臨都大感驚喜，因為他一直是很神秘的人，「我好多好多嘢都想問佢，希望佢畀啲指點我，我覺得佢諗嘢好跳，所以好好奇想知佢點諗我哋，（問到咩？）台上你哋都睇到啦，都講唔到嘢，我本身諗住攞番主場個氣勢，但佢一輪嘴咁...好開心佢將我可能被人笑嘅嘢，變做一個好好玩笑，大家好開心咁化解咗。」

至於跟人妻謝安琪拖手，姜濤笑言：「想做少少令人尖叫舉動，咁就提議拖手啦，其實拖手我都有啲驚，因為綵排嗰陣阿聰（張繼聰）企隔離，有少少唔好意思。唔夠膽拖，因為我都好多手汗！」

姜濤被林海峰封銅鑼灣揸Fit人 體驗姜糖追星日常感觸：你哋太過份【下一頁】

姜濤表示首次挑戰大型演唱會，自己僅打75分，在體力、聲線及技巧方面都會再進步，自己最鍾意開場的部分。至於體驗「姜糖」的影片，他直言是年初沉靜期時構思，希望自己體會一下舉燈牌的感覺，提到他聲稱跟姜糖成為一家人，是否姜糖可明正言順稱呼姜媽做「奶奶」？姜濤爆笑說：「你哋咪嗌囉，我阿媽都鍾意聽，（奶奶好性感？）我費事話佢，我阿媽真係控制唔到，唔好限制佢衣著，我有時睇相都...（嚇親），其實我都話根本唔係我想做藝人，係佢想做藝人！」

{{hket:inline-image name="e356b7a7-36d6-4c0c-8f19-d2ffad2274b6.jpg"}}{{/hket:inline-image}}

提到他腳傷未癒，但四場演唱會都勁歌熱舞，姜濤表示：「我哋有好好團隊幫我做物理治療，有針灸同包紮，其實褲入面全部都係繃帶綁住，所以做四晚暫時係一個極限，(四場唔夠喉？）夠喇夠喇！」他在台上話「下年見」，被問到是否籌備新演出，他澄清只是隨口講，沒有任何落實計劃。對於他在舞台上笑得非常燦爛，姜濤說：「因為聽好多粉絲講，話覺得我出道越來越耐，就越少笑容，我想話畀大家知，我仲係以前嘅我，仲識笑！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組