姜濤被林海峰封銅鑼灣揸Fit人 體驗姜糖追星日常感觸：你哋太過份

姜濤一連四場《KEUNG TO"WAVES"IN MY SIGHT SOLO CONCERT 2023》演唱會昨晚正式開鑼，首場邀請到「師傅」肥仔梁業一齊唱跳之外，壓軸更有林海峰擔任嘉賓，兩人雖然沒有合唱，不過就上演多一次「叱咤」頒獎禮的場面，為當年未能親眼見證的姜糖補數。

同場加映：

李玟今日設靈眾星到場致哀 《中年好聲音》戰友安慰李思林

{{hket:ul-video id="8838"}}{{/hket:ul-video}}

姜濤演唱會開鑼丨姜濤黑白中國風型爆登場 唱《我只在乎你》獻姜媽【下一頁】

{{hket:inline-image name="J95.JPG"}}{{/hket:inline-image}}

演唱會大銀幕播出《叱咤樂壇流行榜頒獎典禮2020》片段，當時由林海峰頒發「我最喜愛的男歌手」予姜濤，全場觀眾反應勁熱烈。林海峰出場指2020年受疫情影響，畫面上有遺憾，決定再頒一次獎。林海峰表示：「呢三年你好辛苦，但個獎唔止係屬於你，而係姜糖，佢哋係用作品說話，作品仲多過姜濤，你哋買幾多牙膏？食咗幾多炸雞？飲咗幾多汽水同啤酒？買幾份保險？做咗幾次body check？呢啲咪係用作品說話囉！你哋好勤力，樂壇係需要你哋。」全場姜糖歡呼。

林海峰續說：「你哋唔止為廣告界帶來新面貌，亦為廣播道帶來新面貌，商台因為你哋換咗鐵閘，我喺商台30幾年，商台只係會換廁紙同主持人。你哋好犀利，前排30幾度，你哋個個變咗做盧覓雪，個個係熱暑人，但30幾度冇人暈，所以姜濤你都唔可以暈。仲有一個作品，係一年一度將銅鑼灣變成姜濤灣，銅鑼灣渣Fit人係邊個？唔係浩南，係大佬B『姜B』。而最重要作品係一年一度『叱咤』頒獎禮，我頒完獎畀姜濤，我人氣高好多，事業新高峰，面書留言全部話感謝林公子咁愛錫姜濤。我得獎都冇咁多留言，最多嘅留言係樂壇已死、林狗得獎天理不容，所以我寧願頒獎都唔想得獎。我有冇獎唔緊要，我有冇獎頒畀姜濤先緊要，所以姜濤你唔係要努力成亞洲第一或者紅過羅湖，而係要努力成就我，所以個獎係屬於我，我而家將個獎畀你頒畀我，我係『最喜歡歌手』嘅『最喜愛頒獎嘉賓』。我答應大家會努力頒獎畀佢，我會孝敬後輩，冇你冇我。我宣布舉行演唱會，玩足三場，畀大家率先睇吓我張海報，到時要幫我掃晒啲飛，約定你一月一日見，姜濤。」林海峰連珠爆發，姜濤在旁只識得傻笑，他形容林海峰是神秘的人，希望將來向對方請教更多。

完成演唱會後，姜濤在IG留言多謝林海峰，他說：「今日真係好多謝你，好希望畀你見到我嘅成長。」

{{hket:inline-image name="J56.JPG"}}{{/hket:inline-image}}

{{hket:inline-image name="J59.JPG"}}{{/hket:inline-image}}

姜濤演唱會開鑼丨姜濤父母送花籃力撐乘風破浪 窩心姜糖花膠響螺湯應援【下一頁】

除了林海峰大讚姜糖之外，姜濤原來也在演唱會前夕體驗做姜糖的滋味，他舉起「姜」字應援牌、摺凳，於零晨3時35分在銅鑼灣街頭做粉絲，應援牌高舉過頭，他笑言這是最漫長的20分鐘，又苦笑謂：「好攰，姜濤好乞人憎！」他感性剖白：「好對唔住大家，我應該留耐啲，諗起佢哋咁樣去逼有啲心悒。只知做好自己表演就足夠？其實好唔足夠，尤其呢兩年好驚，同冇自信去面對大家，好對唔住大家，唔應該懷疑大家喺唔喺度，應該同大家緊密啲。由而家起我要將你哋變成我生命中真正嘅一班家人，辛苦你哋！」

{{hket:inline-image name="J62.JPG"}}{{/hket:inline-image}}

{{hket:inline-image name="J66.JPG"}}{{/hket:inline-image}}

{{hket:inline-image name="J70.JPG"}}{{/hket:inline-image}}

演唱會上，姜糖忍不住哽咽，他將《好得太過份》一曲送給樂迷，「你哋真係好得太過份，每一位無論咁多年支持我或者中途離開，我都好感激，喺你哋生命出現過，我好滿足，由呢刻起你哋唔係我粉絲，而係我家人，一齊加油。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

採訪：Pauline
攝影：陳健珊
撰文：娛樂組