Angelababy用英文教碧咸講普通話 內地網民讚好聽：不愧是混血兒

球星碧咸（David Beckham）同Angelababy（楊穎）早前於澳門合體出席活動，二人仲拍下短片，為現正進行嘅2023年女足世界盃宣傳。片中Angelababy同碧咸嘅互動非常自然，而女方嘅流利英語亦成為咗眾人焦點。

同場加映：

李玟今日設靈眾星到場致哀 《中年好聲音》戰友安慰李思林

{{hket:ul-video id="8838"}}{{/hket:ul-video}}

碧咸喺個人微博post出影片，留言表示：Thanks for teaching me some football phrases @angelababy Come on England.（謝謝你教我一些足球短語 加油英格蘭）。片中碧咸、Angelababy坐喺梳化上互動，碧咸用英文表示今年夏天迎來女足世界盃，其中有一場賽事佢非常期待，就係中國隊對英格蘭隊，而一旁嘅Angelababy表示自己同樣咁期待。

Angelababy即席大曬語言天分，用流利英文解說，又教碧咸用普通話講一啲足球用語，例如「進球」、「射門」、「英格蘭隊加油」等，碧咸亦都展示佢驚人嘅學習能力，謙虛咁話唔知自己講成點，Angelababy激讚對方講得幾好，之後二人一同為自己國家隊打氣，足球世界真正做到和而不同呀！

{{hket:inline-image name="W.jpeg"}}{{/hket:inline-image}}

女方嘅表現獲得內地網民激讚，指雙方互動時Angelababy中英文切換自如，又話佢英文發音標準又好聽，自信心十足，留言：「講英語好好聽呀」、「好酷呀說得真流利」、「為Angelababy的英語水平點讚」。更加有網民留言：「她不愧混血，音好純正。」

其實Angelababy係四分一德國混血先真，真係唔知關佢英文叻咩事？Angelababy生於中國上海，爺爺係德國人，母親係上海人，家族於上海從事服裝生意，Angelababy幼年時期於上海度過，之後於上海讀兩年初中，13歲時移居香港，中三至中七就讀獻主會聖母院書院，曾就讀嘉諾撒聖心商學書院，14歲開始模特兒之路，做熊黛林師妹。

Angelababy唔係第一次獲網民讚有語言天分，佢不時喺綜藝節目中輕易地中英切換，而最近佢喺劇集《暮色心約》飾演一位心理醫生，有一場同外國教授溝通戲份，佢講出一串英文對白，內地網民都對佢有讚冇彈。

撰文︰娛樂組

圖片來源：Instagram