極度俏郎君丨保錡厚面皮向宣萱求包養被拒 ERROR搞笑有料姜皓文心郁想拍綜藝

姜皓文（黑仔）、ERROR成員肥仔（梁業）和保錡為ViuTV劇集《極度俏郎君》宣傳，接受訪問。對於宣萱、張慧儀兩位女神有份參演，保錡賣口乖，大讚宣萱又靚又瘦，仲求對方包養，結果點？當然被宣萱直接拒絕啦！

{{hket:ul-video id="7965"}}{{/hket:ul-video}}

{{hket:inline-image name="DSC06743.jpg"}}{{/hket:inline-image}}

{{hket:inline-image name="12335345.JPG"}}{{/hket:inline-image}}

保錡坦言見到女神很開心，「細個睇開嘅嘢，而家出現咗喺自己面前，見到宣萱，就會諗起《尋秦記》，我竟然可以同佢拍戲？佢真係咁靚，黐線！跟住你見到佢狂食嘢都可以咁瘦，真係好奇妙！我係咁話佢靚，問佢『可唔可以養我呀』，我話『講真你咁靚，又有啲錢，你可以養我呀』！」

宣萱當時怎樣回答他？保錡笑說：「咁梗係唔OK啦！如果OK咗我仲坐喺度做訪問？去咗做佢助手啦！」續說：「梗係直接拒絕啦！大佬呀，成熟嘅人都係一嘢拒絕啦，唔好有遐想吖嘛！」肥仔踢爆：「喂...好似冇直接拒絕，係直頭唔答你喎！」黑仔補充：「係直頭行咗去！」保錡扮宣萱腔調說：「係行咗去...『我唔同你講咁多喇，埋位先』！」黑仔笑稱每日在片場見慣保錡如此直接表態。

魯豫有約一日行｜宣萱曾被經理人嫌又老又肥勸轉行 與古天樂感覺似兄弟唔過電【下一頁】

黑仔在劇中飾演一名坐了20年冤獄的蠱惑仔，出獄後想重回正途；肥仔笑指自己要飾演祖宗十八代，那片酬是否只收一份？保錡代言：「片酬呢樣嘢唔成立，我哋兩個係ViuTV員工，係冇片酬。」黑仔聞言也呆了一呆，肥仔打圓場說：「我哋唔講呢啲，我哋...開心就得啦！」保錡：「我哋拍嘢係為做善事！」黑仔：「算啦，做咩講錢吖！」

第一次跟ERROR合作，黑仔坦言拍到不想收工，最初以為ERROR四子是小朋友，相處久了，才發覺他們竟然能夠分擔自己開心、不開心的事，能交心，笑指阿Dee（何啟華）、保錡是「理論王」。保錡嚷著說：「黑仔哥哥拍咗好多戲，我又鍾意睇港產片，所以見到佢就覺得好奇妙，竟然可以同佢一齊做戲？」ERROR拍劇時經常爆肚，黑仔笑說：「佢哋係連住，一齊NG，真係好ERROR。」

極度俏郎君丨黎彼得倒戈為ViuTV拍劇嗌舒服 《愛回家》大四喜唔齊腳：咁都冇辦法【下一頁】

肥仔透露《極度俏郎君》會聯繫到昔日《古惑仔》電影的橋段，保錡笑說：「肥仔當Yanny（陳穎欣）係細細粒。」肥仔說：「係呀，我咪係陳浩南囉！你都好勁㗎喎，你都有個女神喎！」

{{hket:inline-image name="8814de94-52bf-4590-b3f8-0429ffc574cf.JPG"}}{{/hket:inline-image}}

{{hket:inline-image name="51409475_542172259636436_598025286028229705_n.jpg"}}{{/hket:inline-image}}

原來未跟ERROR合作前，黑仔也看過《花姐ERROR遊》，他表示很想跟四子拍綜藝節目，「撩過幾次，之前我喺檳城，肥仔同阿Dee喺吉隆坡，但時間夾唔啱，反而約咗張慧儀，因為佢去咗怡保。」

撰文：黃曉妍

攝影：何家賢

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】