江榮暉自覺辜負訓練班老師 從未當主角被家人睇死：你唔夠紅

現年55歲的江榮暉，原名江明輝，他畢業於第14期無綫藝員訓練班，同班同學有郭富城、邵仲衡、梅小惠、崔嘉寶、鍾淑慧、李中寧等等。入行至今超過35年，先後獲安排演出《城市故事》、《古靈精探》、《讀心神探》、《十二傳說》、《七公主》、《美麗戰場》、《愛回家之開心速遞》等。

同場加映：中年好聲音丨許文軒愛唱歌意外成《好聲音》戰友 緋聞被當真：麥美恩結婚先會完

{{hket:ul-video id="8811"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="31.jpg"}}{{/hket:inline-image}}

早前，江榮暉接受《香港演藝人協會》訪問，他指小時候曾就讀喇沙小學及喇沙書院，由於父母想他將來成為一位律師，於是安排他去英國寄宿學校讀書。他趁暑假回港，瞞住家人報名參加超級新星比賽的招募，雖然未能入圍，但無綫問他有沒有興趣讀訓練班，就這樣，他踏上了演藝事業。

畢業後首個工作，就是在《城市故事》飾演吳孟達兒子，之後在《點解咁好笑》與林敏驄和杜德偉拍趣劇。江榮暉漸漸有感自己僅獲派演閒角，故在1997年，因心灰意冷而離開無綫，轉攻馬來西亞發展。直至2006年，他被無綫戲劇組高層曾勵珍游說返無綫，他說：「當時我有段姻緣，諗住搵多啲錢，睇吓有冇機會結婚組織家庭，咁啱1997年金融風暴，冇乜人開戲，周圍𢲷嘢做，有個機會見到珍姐（曾勵珍），佢問我想唔想返無綫，我就入去傾，點知佢哋用番1997年份人工同我傾，嗰份人工9年前喎，真係啃唔落，嘩，你即係欺壓我啫，我話諗諗先！」當時不少舊同事都力勸他先跟無綫簽合約，之後很快就可以調整薪金，江榮暉續說：「係，真係追得番（薪金），追得好快添！就咁返番無綫！」

【過街英雄】黃翠如「僭建」巨胸扮俏秘書查案 鹹濕老細江榮暉落搭下場超慘【下一頁】

重返娘家後，江榮暉遇上昔日訓練班老師，他深感歉意跟對方表示：「對唔住，老師，我辜負咗你，我哋成班同學，全部都做晒主角，除咗我做唔到」。
對於有報道指他做夜間清潔，江榮暉表示要澄清，「其實我喺山頂做咗一晚，原因係因為當時我拍處境劇《誰家灶頭無煙火》，慶功宴擺咗好多圍，監製話我做得好，下套處境劇預埋我，我好開心，但係最終冇我份；嗰晚有朋友打畀我，我朋友做清潔，嗰晚佢喺山頂開工，而我當時好唔開心，好悶，我話跟佢做清潔，其實我只係想散心，咪跟佢喺山頂做咗一晚清潔，我冇放棄過做藝人呢個職業。」

68歲李岡因佳視倒閉一度退出幕前 鄭少秋提攜拍《戲說乾隆》成代表作【下一頁】

{{hket:inline-image name="33.jpg"}}{{/hket:inline-image}}

至今仍然做好每個角色，江榮暉直言因為家人，「屋企人冇認同過我，有時我好妒忌一啲演員，佢哋會帶父母去電視城參觀，父母好開心，但我屋企人唔係，佢哋覺得我未夠資格成為一個出名嘅藝人，所以佢哋冇認同過我，我試過叫屋企人去電視城睇我拍戲，佢哋搖晒頭，好坦白話我未夠紅，到今時今日都係一樣，我媽話我做戲差，所以我要繼續努力去做我呢份職業，我無怨無悔自己揀，就要做到尾！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】