泰友情緣的歲月︳羅敏莊唔做怪獸家長擬送女寄宿 爆陳國邦係嚴父：由得佢喊

羅敏莊於去年7月帶同寶貝女陳禛移居泰國，老公陳國邦就兩邊飛，留在香港搵錢養家，最新作品是與古天樂、劉青雲及郭富城合作拍攝的電影《掃毒3：人在天涯》。羅敏莊今晚（30日）在當地接受資深製作人楊紹鴻訪問，在《泰友情緣的歲月》節目中，她分享移泰後的生活點滴，對女兒未來又有何規劃？同時回應何時返港繼續演藝事業等話題。

同場加映：

張敬軒想盡辦法唔返屋企食飯 全因「姐姐」創意料理無啖好食

{{hket:ul-video id="8770"}}{{/hket:ul-video}}

{{hket:inline-image name="07282001.jpg"}}{{/hket:inline-image}}

{{hket:inline-image name="alexlee54_295887946_1125348341386420_7879018929707050472_n.jpg"}}{{/hket:inline-image}}

現年48歲羅敏莊坦言現階段對事業冇特定計劃，感覺到每個人在不同階段會做不同事情，現時她全心全意，所有精神放在女兒陳禛身上。說：「想陪佢多啲，因為我plan咗之後佢會寄宿，我細個冇試過寄宿，雖然啲人話唔係我諗咁好，我好想佢早啲獨立，照顧到自己。而家家長太過縱小朋友，好多嘢唔識，聽過有小朋友唔識綁鞋帶，唔知道公仔麵要拆開個袋擺入去煮...我個女冇咁嚴重，都會幫佢着衫...我都知道係需要放手，畀佢哋自己去做。」

一起走過︳羅敏莊憶早年少不更事慘遭雪藏 爸爸離世感無常 促使移居泰國【下一頁】

10歲的陳禛是否勁黐身？羅敏莊：「唔係黐得我好緊要，反而係知道自己唔肯放手嘅話，有啲行為上...唔知佢係咪唔識做呢？好似食完啲嘢，有包裝紙，佢好順手遞畀媽媽，我唔係垃圾箱嚟㗎，其實佢可以行去垃圾箱掟㗎。但究竟係咪佢錯呢？可能唔係，只係由細到大都係我哋幫佢處理。我哋真係要放手，我已經唔算最誇張，身邊有啲媽媽仲誇張。」

羅敏莊對陳禛好有信心，不擔心女兒的適應問題，「我想佢照顧自己多啲，佢都OK，老公（陳國邦）仲嚴過我，嚟泰國就話送佢去寄宿，話若果喊就由得佢喊，我就話『唔好唔好』，我想陪吓佢先，未來1、2年先會實行。」

Stephen．傾丨羅敏莊被同事無禮對待劈炮離巢「應該唔只我一個受呢樣嘢」【下一頁】

移居泰國之前，羅敏莊於2021年在九展舉行過兩場《羅敏莊Live Alive演唱會》，反應不錯，足證她有實力又有一班支持者。對事業，羅敏莊抱著靜待機會的態度，「呢一行唔係我想點就點，都要有啲機遇，如果有老闆想請我，就要諗係咪要做嘢呢？但呢刻我有新生活，好想學泰文，而家學緊睇同埋寫。（唔眷戀娛樂圈？）唔係唔眷戀，係新一輩好犀利，後浪推前浪呀，如果係輔助位置，我係可以做，而唔係要霸住個位。問我係咪好想做？有咪做，冇又唔緊要，最好學定多啲嘢。」

（↓點擊圖片放大↓）

提到兩公婆分隔兩地如何維繫感情？羅敏莊表示：「而家科技好好啦，只要擺部平板電腦喺度就見到，同埋佢過嚟都幾密，之前過咗嚟都有一個月，跟住返咗香港教書，下個月我返去探佢，來來去去成日都見到。佢仍然會兩邊走，始終工作嘅嘢喺香港。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】