一起走過︳羅敏莊憶早年少不更事慘遭雪藏 爸爸離世感無常 促使移居泰國

羅敏莊今年7月同女兒陳禛移居泰國，老公陳國邦則留港工作。港台《一起走過》這次來個限定海外篇，同樣身在泰國的主持人楊紹鴻邀請羅敏莊接受訪問，分享多年來娛樂圈點滴，並講述移居泰國的原因等。

{{hket:inline-image name="12191002.jpg"}}{{/hket:inline-image}}

{{hket:inline-image name="12191003.jpg"}}{{/hket:inline-image}}

同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇

{{hket:ul-video id="7208"}}{{/hket:ul-video}}

羅敏莊於1995年是以歌手身分出道，作品包括《挑戰者》、《心軟》及《糾纏》等，同期女新人還有後來成為天后的陳慧琳，當年Kelly在叱咤頒獎禮上獲得「生力軍女歌手金獎」，而羅敏莊則是銀獎得主。至於獲獎後是否事業一帆風順？羅敏莊說：「唔算，都係好差吓，同經理人（安格斯）有拗撬，有啲意見不合，因為年紀仲細又多事幹，比較多啲不滿，佢作《誓去的諾言》又冇乜諾言，哈哈…總之大家有啲唔開心。當時叫做『被雪藏』，結果喺合約期內唔可以做其他嘢，尤其係幕前工作，於是去咗電台做幕後，因為同梁奕倫、李志剛、杜雯惠成日出去玩，佢哋見我咁慘就叫我去電台幫手，於是做咗節目助理，要接聽電話，安排禮物，又幫佢哋設計吓節目環節。（心情如何？）唔開心，一定唔開心，我簽咗約要負責。」

羅敏莊陳國邦送女兒到泰國升學 望囡囡陳禛學校寄宿學會獨立【下一頁】

問到是否經一事長一智？羅敏莊表示：「唔關呢件事而改變，係隨人嘅年紀慢慢成長，再睇番轉頭又唔係得你一個人係咁。呢個世界有好多唔公平，唔守諾言同唔開心嘅嘢存在，當你睇到好多嘢，而年紀慢慢大，人變得成熟，自己就會改變，會變得冇咁憤世嫉俗，又唔可以話我而家好圓滑，但一定冇以前咁三尖八角！即係會識得做人啲囉，冇咁易得罪人。（以前好易得罪人？）後生時個個都係啦，邊有人一出嚟好滑頭？」對於同期歌手上位，她卻停滯不前，跟他們的關係亦逐漸疏離，她真認不爽說：「絕對係，大家已經唔同世界，我諗唔剩止係我，我意思喺呢行裡面，一齊成長但之後唔同level。聽講，話另一個紅咗，喺街撞到就扮唔識你，或者講啲說話『你仲係咁』，當然冇發生喺我身上。自己嘅感覺呢，會覺得佢哋咁好，自己仲係坐喺後台聽電話，係咪好慘呢？有自憐嘅感覺。而家睇番轉頭，以前細個、傻豬啫，每個人有唔同經歷，有唔同去向，如果當時有成熟嘅我，會講番畀自己聽，每一個人有唔同嘅路要行，咁我行嘅路就係咁囉！」

Stephen．傾丨羅敏莊被同事無禮對待劈炮離巢「應該唔只我一個受呢樣嘢」【下一頁】

羅敏莊當年約滿回復自由身後，聯絡昔日在TVB認識的朋友幫她穿針引線，結果順利回到幕前，在《K-100》介紹節目，一星期做三日，做到爆騷，「公司問邊個係羅敏莊？點解爆騷爆到咁？話睇吓點樣cut騷，因為財政上要節省資源。當年我爆騷唔止一倍，到後期先話呢啲2、3分鐘節目計0.2個騷。好好彩入返TVB，有咁多機會，之後拍劇需要好多時間，已經冇再返電台。」

（↓點擊放大睇圖片↓）

提到移居泰國的決定，羅敏莊自嘲有些私心，「7、8年前我爸爸過身，嗰時反思人生想點？爸爸過身時好後生，都係60幾歲，而家倒數我都係得番廿幾年左右，究竟跟住我嘅人生係點呢？真係冇人會知，可能會少過60幾。爸爸係全家最健康一個，佢都咁早走咗。因為自己鍾意泰國又好怕凍，去過英國、加拿大，一凍起上嚟真係唔掂，於是揀啲熱啲，多啲陽光嘅地方，同埋泰國生活使費少好多。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】