阿晶自殺離世丨前男友加蔥直播宣布退出微辣 拒認逼對方墮胎：唔想影響到我另一半

YouTube頻道「微辣」前經理人阿晶（Jane）不堪抑鬱症困擾而自殺身亡，由於她生前曾多次表達遭前男友加蔥逼墮胎，離開「微辣」前又慘遭欺凌，令她情緒陷入低潮。繼日前服藥自殺未遂，昨日在家中燒炭輕生，終年29歲。事發後，「微辣」發表聲明撇清欺凌一事，令網友大為反感，不斷向「微辣」藝人留言狂轟，當中茅頭大部分指向阿晶的舊愛加蔥。加蔥今晚在個人YouTube 頻道開直播，以「對不起」為題宣布退出「微辣」。

同場加映：譚偉權拍劇角色被定型決意離巢 中年無阻續夢感激太太無限支持

{{hket:ul-video id="8748"}}{{/hket:ul-video}}

前經理人阿晶自殺微辣藝人捱轟 吳若希有感：何嘗唔係網絡暴力【下一頁】

{{hket:inline-image name="360052740_1903885879996764_6669788341642663565_n_600.jpg"}}{{/hket:inline-image}}

{{hket:inline-image name="353543350_634899475354878_5842557039133697931_n.jpg"}}{{/hket:inline-image}}

加蔥開直播全程黑畫面，只聽到他的聲音剖白，直播時間長約8分鐘。他先宣布退出「微辣」，「我覺得做咗嘅嘢要負責任，所以我都喺度講聲退出微辣，唔希望因為我自己做過嘅嘢而影響到其他唔關事嘅人，同公司傾咗，今日已退出微辣。」加蔥承認阿晶墮胎一事確實影響到阿晶情緒，自己責無旁貸，向阿晶道歉，「首先好對唔住大家，好對唔住阿晶，對唔住同事。」但他否認強逼阿晶墮胎，澄清有關嘅時間線，不希望網友亂帶風向造謠：「我覺得而家網絡上就係咁樣，好多人唔會了解成件事就會亂咁講，大家都係食花生，想幫阿晶攞公道，我明，但係我都想講番時間線，因為我唔想影響到我另一半，因為佢都受咗好多委屈。」

外間指他未與阿晶分手就搭上未婚妻儀仔，加蔥不甘儀仔受指摘，他說：「我同阿晶19年3月尾知道有小朋友，4月份唔要小朋友。呢度都講番唔要小朋友呢件事，好多人話我逼佢，我講咗好多次真係冇逼到，由我哋有小朋友，我話可以生出嚟一齊養，到後來大家傾咗好多，覺得唔係咁適合，所以我就唔想要小朋友，最後大家傾完決定唔要，呢個係事實。當然佢去（墮胎手術）當日，我冇陪佢，呢個係好錯嘅事，原因我唔多講，但呢件係錯事。」他再重申他跟儀仔拍拖時間點，絕對是跟阿晶分手之後才發生，「我同阿晶2021年1月分手，唔存在第三者，唔係話未一齊就想追第二個。我同儀仔21年10月份一齊，分咗手9個月一齊，長同短，交畀你哋判斷。」他指以上所講全部有證有據，自己無必要講大話：「因為反正我都會退出微辣。」

微辣丨加蔥Joe滿足YouTuber身分不敢認星 搞舞台劇放笑彈：想大家輕鬆笑吓【下一頁】

{{hket:inline-image name="361663604_18373683175030832_7464243306830026980_n_600.jpg"}}{{/hket:inline-image}}

{{hket:inline-image name="362675772_661987225962231_3647430774757794551_n_600.jpg"}}{{/hket:inline-image}}

對於阿晶的悲劇，加蔥承認自己有責任，退出微辣是不想網民亂講，加蔥說阿晶才剛剛離去，他表示：「好多嘢要拎出嚟講都唔係呢個時候，我同大家講對唔住、同阿晶講對唔住、同同事講對唔住，因為呢件事影響好多無辜嘅人，就係咁，再見大家！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組