電影《掃毒3：人在天涯》於暑假第一檔期放映，片中三位影帝級人馬古天樂、劉青雲與郭富城（城城）連場對決，無論是爆破場面還是埋身肉搏動作戲，一樣吸引觀眾眼球，他們透露今次拍攝上天又下海，城城笑言潛乾水令他捱盡苦頭，而飾演大毒梟的劉青雲有機會圓夢揸飛機，相當搶鏡，原來他真的有考慮過考飛機師牌。
同場加映：
張敬軒想盡辦法唔返屋企食飯 全因「姐姐」創意料理無啖好食
掃毒3︰人在天涯丨劉青雲聞郭藹明被讚少女感驚訝 郭富城稱三影帝結片緣是「男人的浪漫」【下一頁】
《掃毒3：人在天涯》中，三位影帝瞓身拍攝，青雲在戲中揸飛機相當有型，城城就大讚青雲駕駛技術了得，媲美湯告魯斯，青雲自爆：「揸（飛機）就真嘅，只不過冇離地啫，哈哈哈！」坦言很久以前想過考飛機師牌，首先要修讀很多相關課程，加上騰不出時間而被迫放棄。至於古天樂、郭富城的角色關係，警察追捕同僚臥底，不乏連場對打場面，兩人表示今次拍攝追逐戲不算辛苦，城城指拍爆炸場面和拳腳對打戲時，都有戴上護墊保護，而埋身肉搏少不免迎面撞擊，感到相當的痛但仍能頂得住。城城也提到潛水場面，「我有潛水牌，畢竟已一段長時間冇潛水，都擔心有危險，其實呢一幕有濕水同乾水，導演邱禮濤一直安撫我哋，叫我哋唔使擔心，落水戲冇太大問題，返到廠拍我覺得仲辛苦，因為要吊威也，又要孭住幾十磅氧氣樽，如果喺水入面孭氧氣筒反而卸咗啲力。」
其中幾場戲特別飛到雲南山區取景，當地每隔一、兩小時就會落陣雨，形成泥路濕滑，一不小心會滑下去，他們三個大男人有時候甚至被泥啜實雙腳行動不便，導致不斷NG。
掃毒3：人在天涯丨謝君豪難忘槍戰又炸又爆又嗌 「放假唞咗兩日都係喉沙」【下一頁】
劉青雲大讚古仔、城城的對打戲精彩，古仔指功夫和「爛仔交」的拍攝方法不同，他試過連續十幾日拍打鬥戲，拍這些場面必須要進行排練。城城就表示：「我最驚就係火，因為爆炸起嚟可以造成好嚴重嘅意外，火舌彈出嚟嘅方向隨時會變，風力都會影響火嘅方向，所以拍攝一次爆炸場面，一定要做足事前準備，盡量一take過。」
第一次飾演臥底的城城，就表示相當過癮，當接到劇本的時候，睇完都好想演這個角色，而劉青雲飾演反派大毒梟，他表示拍攝的時候就全程投入，就連古仔和城城都指他鏡頭後依然代入角色中，相當認真。不過城城就表示：「如果我飾演毒梟，我會將自己整到好瘦，瘦到骷髏骨咁，同青雲完全唔一樣。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
採訪：Pauline
攝影：林良明