謝安琪（Kay）前晚亮相由郭嘉駿（193）、譚凱倫、鄭伊琪和郭奕芯主持的ViuTV節目《晚吹 - 戀講嘢》，為第100集嘉賓，她大談與老公張繼聰相識的經過，笑指阿聰用七粒龍珠向她表白，嚇得她呆若木雞！
同場加映：
張敬軒想盡辦法唔返屋企食飯 全因「姐姐」創意料理無啖好食
Kay和阿聰結婚16年，一直如膠似漆，被視為圈中的一對模範夫婦。兩人首次碰面時，她發覺阿聰很健談，稱︰「當時覺得呢個人好好傾，我講乜都答到嘴，嗰時入行好孤獨，冇朋友，突然有個人同你好夾，會好開心識到第一個朋友。後來我先知第一次見面之前，佢上網search過我啲資料。」她視對方為閨密，笑言誤會了他是同性戀，「佢出道都好有風格，行路有beat，冇諗過佢追我，我當時箍牙，所以冇諗過有人會無端端鍾意我，估唔到佢咁得意，嗰個位都feel到我靚？佢話佢有儲我YES Card，真係有，後來佢有送畀我。」
張繼聰16歲大仔執到正行畢業禮 張瞻被老竇笑似John Wick【下一頁】
在Kay眼中，阿聰是大好人，是她的柴可夫司機，笑說：「嗰陣返工，佢都會嚟我樓下等，女仔有時遲到，無論等幾耐都等，仲擺住甫士等我。佢好好人，幫我慳到車錢，因為啱啱入行好窮，佢又成日請我食飯。」又指阿聰出街會帶備「追女三寶」，包括外套、雨傘和紙巾。鄭伊琪緊張地追問，當時阿聰說過怎樣的曖昧說話？Kay說：「佢冇，反而佢話我有。有次睇完戲過馬路，又係有車經過...嗰啲老套情節，我拉番佢番轉頭，之後我對佢講『你條命係我㗎啦！』我真係亂噏㗎咋，我救番你一命？咪隨口噏囉！」
張繼聰一日之內兩次壞車唱歌自嘲 遭圈中人瘋狂恥笑：拖車儲印花？【下一頁】
193問，Kay在甚麼時候才察覺阿聰對有追求之意，她憶述：「有一日，大約黃昏5點幾，佢喺我屋企樓下公園仔，叫我落嚟，話有份禮物送畀我，佢突然打開手上嗰份禮物，打開！係七粒龍珠，佢話送七粒龍珠畀我，可以完成我一個願望，吓？第一我覺得好幼稚，第二諗唔到咩願望，佢就問我知唔知佢有咩願望，跟住佢話『我想你做我女朋友』...」193笑說：「雖然有少少娘，諗番都好sweet呀！佢講完你點算？你一直當佢係同性戀朋友。」Kay：「所以我呆咗，冇接受佢㗎！我話會認真考慮，跟住佢話『咁死梗」！」
Kay經過深思熟慮，阿聰為人確實不錯，又孝順，又喜歡小朋友和動物。他們相處數個月都是開開心心的，她反問自己為何不喜歡他？自然地就走一起了！Kay哈哈大笑：「唔知點解同佢一齊咗，我覺得佢靚仔咗！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】