《法與情》丨謝安琪演大狀與余安安師徒對決 爆張繼聰行7層樓梯探班勁冧

謝安琪（Kay）今日以一身大狀造型出席MakerVille原創劇《法與情》開鏡拜神 ，跟余安安是師徒關係的她，劇中還會挑戰余安安的連勝紀錄，Kay興奮表示：「佢係一個好出名嘅大狀，退休前一場好重要官司同我打，我哋有好多兩師徒對決嘅場口，好有挑戰性。」

同場加映：大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="DSC_7403.JPG"}}{{/hket:inline-image}}

{{hket:inline-image name="DSC_7564.JPG"}}{{/hket:inline-image}}

由於有太多律師的專業用詞，Kay坦言對白十分難記，「最難係表現出嗰種信心，平時我哋講嘢對白好生活化，但律師講嘢要好精準，喺對白方面要落好多功夫。我都識得啲律師朋友，有問吓佢哋啲背景資料，又會問佢哋平時上庭嘅小知識，而打官司嘅朋友，又問咗佢哋對律師嘅感覺係點，兩方面都有攞料。」Kay又透露十分喜歡Johnny Depp在一套電影中飾演的律師，大讚對方演得從容兼有魅力，是另一種風格，她笑指：「我都係輕鬆風格，企圖演得有型啲。」

{{hket:inline-image name="104.jpg"}}{{/hket:inline-image}}

Kay指自己對上一套劇已是7年前的《殭》，多年再拍劇，她坦言有少許緊張，問她會否找老公張繼聰對戲練習？Kay說︰「好難，啲對白成日質問人，我驚影響夫妻感情，所以同演員對，不過劇入邊做我老公嘅陸駿光，無佢場口都會嚟片場睇同埋畀意見，我哋演員之間好融洽。」老公可有探班？ Kay自爆說︰「 嗰日喺一幢唐樓拍攝，要行七層樓梯，我同佢講如果行七層樓嚟探班就係真愛，點知有一日突然見到有個熟口面嘅人，無預料佢會嚟，覺得佢好上心，係sweet嘅。」

{{hket:inline-image name="DSC_7504.JPG"}}{{/hket:inline-image}}

撰文：倪小珊

採訪：黃寶蓮

攝影：林良明