迪士尼百周年 人氣角色齊集荷里活廣場 互動音樂遊戲＋期間限定店＋周末工作坊

今年係迪士尼100周年，慶祝同紀念活動陸續有來。公關姊妹同黛安講，多個嚟自迪士尼同彼思嘅人氣角色，如米奇、小飛俠、史迪仔同睡公主等，即日起至9月3日將會首次喺荷里活廣場同台，並以音樂家造型示人，大家同佢哋打卡之餘，仲可以一齊玩遊戲，共譜快樂樂章。

今次活動有《熊抱青春記》嘅熊貓美美，首次以1.6米巨型毛絨公仔造型現身，並喺充滿光影效果嘅Disney 100大門邀請大家一齊玩互動音樂遊戲，帶領展開音樂之旅；自問唱功了得嘅你，更可以踏上「快『樂』大舞台」，同一眾角色齊齊奏出最愛曲譜，與親友共度不一樣嘅夏日。

另外，會場亦設有期間限定店，發售逾百款全新主題精品，並特設甜點小角落，出售多款會場限定嘅打卡甜品。顧客憑指定消費額或VIC會員積分加捐款，更可以換領迪士尼音樂主題嘅獨家禮品，下月5日起嘅周末，更可憑捐款或指定消費，參與親子工作坊，製作立體工藝飾品帶返屋企，畀大家盡顯藝術天份。