陳凱琳爆老公現身內地醫院原因 傳《披荊斬棘3》鄭嘉穎已被淘汰

陳凱琳（Grace）今日（20日）在荃灣出席商場揭幕禮，身為三孩之母嘅佢分享暑期同小朋友有咩活動。而老公鄭嘉穎咁啱呢段時間喺內地參與拍攝《披荊斬棘3》，期間又被網民影到獨自到醫院求醫，亦有傳佢已經被淘汰，Grace喺活動上都有被問到鄭嘉穎現況係點。

同場加映：

靈戲逼人 65歲魯振順曾與父親脫離關係 反對入大染缸娛圈 一包煙引爆矛盾

{{hket:ul-video id="8697"}}{{/hket:ul-video}}

Grace提到老公被影到現身醫院獨自等叫籌，佢就表示睇到相之前已經知道來龍去脈，表示老公到求醫係治療聲帶方面問題：「我睇到嗰張相嘅時候其實佢已經出咗院，當時仲喺我側邊。」

{{hket:inline-image name="11.jpeg"}}{{/hket:inline-image}}

聲帶出問題，相信對鄭嘉穎參加《披荊斬棘3》比賽造成一定影響，日前一名粉絲上載咗偶像一段「給粉絲的話」，未知係因為濾鏡影響定係本人工作太辛苦，片中見到鄭嘉穎消瘦不少。粉絲又提到佢好似講緊離別感言一樣，亦盛傳鄭嘉穎僅錄兩集《披荊斬棘3》就被淘汰。對此，Grace就表示唔方便講太多：「老公而家仲喺內地開工，而呢個節目呢暫時好多嘢都唔可以公開講，等節目播出街嗰陣大家就會知道！」至於問到佢本人會唔會考慮北上發展，接拍真人騷？Grace坦言現時享受做KOL及照顧小孩為主，並表示：「相信做父母都知道孩子大得好快，我怕出埠工作會少咗時間陪佢哋。」

講到鄭嘉穎下個月生日，Grace表示老公鍾意簡單，慶祝活動最理想係一家人喺生日當日出外食餐飯，但確實時間要等佢內地工作完畢先知；另外，Grace分享自己維持Fit爆身材秘訣：「我成日都同啲仔一齊跑，追住佢哋，呢一個都係間接性嘅運動。」至於暑假行程，她透露較早前有計劃帶孩子去其他國家體驗一下，不過現時孩子參加了暑期班，想等一家人齊齊整整才出發！

撰文︰娛樂組